Джон Франклін Эндэрс (англ.: John Franklin Enders; 10 лютага 1897, Уэст-Хартфард — 8 верасня 1985, Уотэрфард, Канектыкут) — амерыканскі вірусолаг, член Нацыянальнай АН ЗША (1953) і Амерыканскай акадэміі мастацтваў і навук, член Лонданскага каралеўскага таварыства.
Скончыў Ельскі ўніверсітэт (1920), у якім быў членам тайнага таварыства «Скрутак і ключ». У 1929—1956 гадах выкладаў у Гарвардскім універсітэце. З 1946 года загадчык лабараторыяй інфекцыйных хвароб пры педыятрычнай цэнтры ў Бостане, загадчык даследчага аддзела інфекцыйных хвароб дзіцячай бальніцы Бостана. З 1956 года прафесар дзіцячай бальніцы Гарвардскай медыцынскай школы.
Асноўныя работы па бактэрыялогіі, імуналогіі, вірусалогіі. Выявіў новы тып поліцукрыду пнеўмакока, даказаў каталітычную ролю камлементу ў апсанізацыі бактэрый спецыфічнымі антыцеламі. Сумесна з Т. Уэлерам і Ф. Робінсам усталяваў, што вірус поліяміэліту не мае спецыфічнага зродства да нервовай тканкі, распрацаваў метад культуры клетак для вырошчвання віруса поліяміэліту. Стварыў вакцыну супраць адзёру (сумесна з інш.).