Двор Ні́згалава[1] (трансліт.: Dvor Nizhalava, руск.: Двор Низголово) — аграгарадок у Бешанковіцкім раёне Віцебскай вобласці Беларусі. Уваходзіць у склад Бачэйкаўскага сельсавета.
Да 16 верасня 1957 года вёска ўваходзіла ў склад Сокараўскага сельсавета[2].
Аграгарадок знаходзіцца за 25[3] км у напрамку на захад ад гарадскога пасёлка Бешанковічы, за 76[3] км ад Віцебска, за 23[3] км ад чыгуначнай станцыі Чашнікі, каля левага берага ракі Ула. За 0,5 км у напрамку на паўночны захад ад аграгарадка знаходзіцца возера Нізгалаўе.
Сядзібна-паркавы комплекс Мядзведскіх: сядзібны дом, флігель, кухня, кузня, вяндлярня, гаспадарчыя пабудовы — помнік сядзібна-паркавай архітэктуры другой паловы XIX ст. Гісторыка-культурная каштоўнасць Беларусі, шыфр 212Г000152шыфр 212Г000152