Габелен
Габелен (фр.: gobelin) — адзін з відаў дэкаратыўна-прыкладнога мастацтва, сцянны бязворсавы дыван з выявай нейкага сюжэту ці арнаменту, які ткуць рукамі, перакрыжоўваючы ніткі. Для габеленаў выкарыстоўваюць шаўковыя і ваўняныя ніткі. Спачатку ткуць асобныя часткі, якія пазней сшываюць паміж сабой.
Слова «габелен» узнікла ў Францыі ў XVII ст., калі браты Габелены заснавалі там каралеўскую мануфактуру, а вырабы мануфактуры атрамалі назву габелены.
Спярша габелены называлі шпалерамі.
Арацы або арас (па назве горада Арас, дзе ў XIV ст. выраблялі яркія шпалеры з выкарыстаннем залатой і сярэбранай ніткі).
Вердзюра (слова ўзнікла ў XVI ст. і паходзіць ад фр. Verdure) — зеленіна, трава, лісце. Спярша так называлі выявы жывёл і птушак на фоне прыроды, але ў хуткім часе назва замацавалася за самімі творамі.
Літаратура
- Габеле́н, шпалера // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 200. — 800 с. — 5 000 экз. — ISBN 985-11-0026-9.
Спасылкі
На Вікісховішчы ёсць медыяфайлы па тэме Габелен
Катэгорыя·Габелены
Катэгорыя·Дэкаратыўна-прыкладное мастацтва