wd wp Пошук:
    ⬜

    Вільгельм Гаўф

    Вільгельм Гаўф (ням.: Wilhelm Hauff, 29 лістапада 1802, Штутгарт — 18 лістапада 1827, тамсама) — нямецкі празаік , паэт і навеліст, прадстаўнік кірунку «бідэрмаер» ў літаратуры.

    Біяграфічныя звесткі

    Нарадзіўся ў сям]і Аўгуста Фрэдэрыка Гаўфа, які служыў сакратаром у Міністэрстве замежных справаў, і Вільгельміны Эльзасэр Гаўф; быў другім з чатырох дзяцей. У 1809 яго бацька памёр, і маці разам з дзецьмі перасялілася ў Цюбінген. Тут, у доме дзеда прайшло юнацтва Вільгельма Гаўфа. У 1818 ён пайшоў вучыцца ў манастырскую школу. У 1820 паступіў ва ўніверсітэт Цюбінгена, які скончыў праз чатыры гады са ступенню доктара філасофіі і тэалогіі.

    Пасля заканчэння універсітэта В. Гаўф уладкаваўся на працу рэпетытарам у сям’ю міністра абароны Э. Ю. фон Хёгеля. Разам з гэтай сям’ёй падарожнічаў па Францыі і Германіі, пабываў у Парыжы, Бруселі, Антверпене, Берліне, Лейпцыгу, Дрэздэне, Брэмене.

    У студзені 1827 Вільгельм Гаўф атрымаў пасаду рэдактара “Штутгарцкай ранішняй газеты” і ажаніўся са сваёй кузінай Луізай Гаўф, у якую быў закаханы з дзяцінства. А 18 лістапада таго ж года ён памёр ад ліхаманкі.

    Творчасць

    Зборнік сатырычных нарысаў «Мемуары Сатаны» (1826—27) напісаны ў традыцыях «Фауста» І. В. Гётэ і прысвечаны крытыцы філісцёрства, адначасова гэта пародыя на стыль нямецкіх рамантыкаў. Парадыйнасцю пазначаны і раман «Чалавек з Месяца» (1825). У рамане «Ліхтэнштэйн» (1826) адлюстраваў гістарычны працэс у яго руху і супярэчнасцях. Выдаў «Казкі для сыноў і дачок адукаваных саслоўяў» (т. 1—3, 1826—28). Звяртаючыся да нямецкіх, заходнееўрапейскіх і ўсходніх фальклорных архетыпаў, В. Гаўф у літаратурнай казцы імкнуўся раскрыць народную мудрасць і знайсці адказ на хвалюючыя праблемы сучаснасці («Гісторыя пра маленькага Мука», «Халоднае сэрца» і інш.). Яго навелам уласцівы рысы рэалізму («Атэла», «Жабрачка з Pont des Arts», «Яўрэй Зюс» і інш.).

    Літаратурная спадчына Гаўфа складае тры альманахі казак, адзін з якіх быў выдадзены яго жонкай пасля смерці пісьменніка, некалькі раманаў і вершаў.

    Ушанаванне памяці

    Помнік Вільгельму Гаўфу ў замку Ліхтэнштэйн

    У Баерсброне знаходзіцца «Музей казак Вільгельма Гаўфа» (Hauffs Märchenmuseum), а ля замка Ліхтэнштэйн ля Ройтлінгена (на поўдзень ад Штутгарта) ўсталяваны помнік пісьменніку.

    Беларускія пераклады

    У 1938 годзе выйшлі асобнымі выданнямі пераклады на беларускую мову яго твораў «Маленькі Мук» і «Карлік Hoc». Але гэтыя казкі перакладаліся не з арыгіналаў, а з рускамоўных перакладаў. Пазней, у 1977 годзе, накладам у 300 000 асобнікаў была выдадзена казка «Маленькі Мук», якую непасрэдна з нямецкай мовы пераклаў Даір Слаўковіч.

    Зноскі

    1. 1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118546864 // Агульны нарматыўны кантроль — 2012—2016. Праверана 9 красавіка 2014.
    2. 1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
    3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118546864 // Агульны нарматыўны кантроль — 2012—2016. Праверана 10 снежня 2014.
    4. ↑ Czech National Authority Database Праверана 23 лістапада 2019.
    5. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118546864 // Агульны нарматыўны кантроль — 2012—2016. Праверана 30 снежня 2014.

    Літаратура

    Спасылкі

    Тэмы гэтай старонкі (25):
    Нарадзіліся 29 лістапада
    Дзіцячыя пісьменнікі Германіі
    Пахаваныя ў Штутгарце
    Нарадзіліся ў 1802 годзе
    Пісьменнікі Германіі
    Паэты паводле алфавіта
    Памерлі ад брушнога тыфу
    Нарадзіліся ў Штутгарце
    Памерлі ад тыфу
    Памерлі 18 лістапада
    Вікіпедыя:Артыкулы з пераазначэннем значэння з Вікідадзеных
    Пісьменнікі паводле алфавіта
    Паэты XIX стагоддзя
    Выпускнікі Цюбінгенскага ўніверсітэта
    Нямецкамоўныя паэты
    Асобы
    Вікіпедыя:Артыкулы са спасылкамі на элементы Вікідадзеных без беларускага подпісу
    Паэты Германіі
    Вікіпедыя:Артыкулы з крыніцамі з Вікідадзеных
    Аўтары гістарычных раманаў
    Пісьменнікі XIX стагоддзя
    Дзіцячыя пісьменнікі паводле алфавіта
    Памерлі ў 1827 годзе
    Казачнікі
    Памерлі ў Штутгарце