wd wp Пошук: ⬜

Цюбінген

Цюбінген (ням.: Tübingen) — старадаўні горад у Германіі, у цэнтры федэральнай зямлі Бадэн-Вюртэмберг, адміністрацыйны цэнтр акругі Цюбінген. У горадзе знаходзіцца ўніверсітэт Эберхарда-Карла. Насельніцтва 83740 чалавек (на 31-га снежня 2006).

Старая частка горада добра захавалася, маленькія дамкі, пабудаваныя на ўзгорках, уяўляюць сабою прыемнае відовішча. Прыкладна трэць насельніцтва горада — каля 25 000 чалавек — складаюць студэнты. Дзякуючы гэтаму сярэдні ўзрост жыхароў Цюбінгена — самы нізкі ў Германіі. Паводле даных даследавання, праведзенага ў 1995 годзе германскім часопісам «Фокус», Цюбінген займае першае месца па ўзроўні жыцця сярод усіх гарадоў ФРГ.

Геаграфічнае становішча

Цюбінгах ляжыць у даліне ракі Некар, прыкладна ў 40 км на поўдзень ад Штутгарта. У 20 км да паўднёва-ўсход ад Цюбінгена пачынаецца горная града Швабскага Альба. На поўначы ад горада пачынаецца ахоўны прыродны парк Шонбух. Цюбінген маляўніча раскінуўся на шматлікіх узгорках і ў далінах паміж імі. Самая нізкая кропка на тэрыторыі горада (305 м над узроўнем мора) знаходзіцца ў яго ўсходняй частцы ў даліне р. Некар, самая высокая (500 м над узроўнем мора) - гара Кольхаў ў Шонбухе на поўнач ад Бебенхаўзена.

Гісторыя горада

Каля 12.000 да Ражства Хрыстова: першыя паселішчы
85: ўзвядзенне ўмацаванняў рымлянамі
1078: першае дакументальныя згадкі пра замак (ням. Hohentübingen) у сувязі з аблогай, якая ажыццяўляецца каралём Генрыхам IV
1635 і 1636: Вялікая смяротнасць (1.485 памерла толькі ў самім горадзе)
1638: шведская армія ў горадзе