wd wp Пошук: ⬜

Віктар Міхайлавіч Усаў

У Вікіпедыі ёсць артыкулы пра іншых асоб з прозвішчам Усаў.

Віктар Міхайлавіч У́саў (9 (22) снежня 1916, Нікапаль, Екацярынаслаўскі павет, Екацярынаслаўская губерня, Расійская імперыя (цяпер — Днепрапятроўская вобласць Украіна) — 22 чэрвеня 1941) — начальнік 3-й пагранічнай заставы 86-га Аўгустоўскага пагранічнага атрада Беларускай пагранічнай акругі войскаў НКУС СССР, лейтэнант. Герой Савецкага Саюза (1965 г.).

Біяграфія

Скончыў сямігодку, ФЗВ. Працаваў электраслесарам на заводзе ў Нікапалі. У Чырвонай Арміі з 1936 г. У 1940 г. скончыў Харкаўскае ваеннае вучылішча войскаў НКДБ і быў прызначаны начальнікам заставы Аўгустоўскага пагранічнага атрада Беларускай пагранічнай акругі.

Лейтэнант Усаў вызначыўся ў баі пры абароне дзяржаўнай мяжы СССР каля в. Вулька Драгунская Беластоцкай вобласці (цяпер — Гродзенскі раён). 3-я пагранічная застава прыняла свой першы і апошні бой 22 чэрвеня 1941 г. і больш за 6 гадзін стрымлівала націск пераўзыходзячых сіл праціўніка. В. М. Усаў загінуў у гэтым баі.

Узнагароды

Указам Прэзідыума Вярхоўнага Савета СССР от 6 мая 1965[1] г. лейтэнанту В. М. Усаву пасмяротна прысвоена званне Героя Савецкага Саюза.
Пасмяротна ўзнагароджаны ордэнам Леніна.
На падставе пастановы сакратарыята ЦК УЛКСМ № 3076 от 7 мая 1968 года В. М. Усаў узнагароджаны Ганаровай граматай ЦК УЛКСМ (пасмяротна).[1].

Памяць

Помнік Герою ў горадзе Гродна.
Вёска Вулька Драгунская Гродзенскага раёна перайменавана ў Усава (у 1964[1] г.).
Імем Героя названы вуліцы ў Гродна, Нікапалі, Украіна.

Зноскі

1 2 3 Віктар Міхайлавіч Усаў на сайце «Героі краіны»

Літаратура

Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн.: БелЭн, 2003. — Т. 16. — С. 260. — 576 с. — 10 000 экз. — ISBN 985-11-0263-6 (Т. 16).
Усаў Віктар Міхайлавіч // Энцыклапедыя гісторыі Беларусі: У 6 т. / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. Т. 6. Кн. 1: Пузыны — Усая. — Мн.: БелЭн, 2001. — 591 с.: іл. — С. 591. — ISBN 985-11-0214-8.

Спасылкі

Віктар Міхайлавіч Усаў на сайце «Героі краіны»

Их именами названы заставы Архівавана 7 лютага 2013. // Сайт

Дзяржаўнага пагранічнага камітэта Рэспублікі Беларусь (руск.)