Вялі́кія Нямкі́[1] (трансліт.: Vialikija Niamki, руск.: Великие Немки) — аграгарадок у Веткаўскім раёне Гомельскай вобласці Беларусі. Уваходзіць у склад Вяліканямкоўскага сельсавета.
Аграгарадок знаходзіцца за 46 км у напрамку на паўночны ўсход ад горада Ветка, за 68 км ад Гомеля[2], каля правага берага ракі Беседзь і вусця ракі Зборхаў[3].
У 1860—1862 гадах у вёсцы дзейнічала цукровая мануфактура, на якой працавала 117 рабочых. Вырабляла цукар-пясок. У 1860—1861 гадах мела 2 гідраўлічныя прэсы, выраблена 1080 пудоў цукру[2].