У Вікіпедыі ёсць артыкулы пра іншых асоб з прозвішчам Пятроў. У Вікіпедыі ёсць артыкулы пра іншых асоб з прозвішчам Васіль Пятроў. Васіль Уладзіміравіч Пятро́ў[2] (руск.: Василий Владимирович Петров; 19 ліпеня 1761 — 3 жніўня 1834) — расійскі фізік, адзін з першых расійскіх электратэхнікаў, акадэмік Пецярбургскай акадэміі навук.
Нарадзіўся ў горадзе Абаянь. У 1785 годзе скончыў Харкаўскі калегіум. Вучыўся ў Пецярбургскай настаўніцай семінарыі. У 1795—1833 гадах прафесар Медыка-хірургічнай акадэміі.
Адкрыў (1802) электрычную дугу (з дапамогай створанай ім буйнейшай для таго часу гальванічнай батарэі) і паказаў на магчымасць яе практычнага ўжывання. Даследаваў хімічнае дзеянне току, электраправоднасць, люмінесцэнцыю, электрычныя з’явы ў газах. Стварыў шэраг электрычных прылад.