Бура́еўскі раён (руск.: Бураевский район; башк.: Борай районы) — адміністрацыйна-тэрытарыяльная адзінка на поўначы Башкартастана ў Расіі. Адміністрацыйным цэнтрам з’яўляецца сяло Бураева.
Бураеўскі раён мяжуе з Балтачаўскім, Мішкінскім, Бірскім, Дзюрцюлінскім, Калтасінскім, Янаульскім і Татышлінскім раёнамі. Плошча раёна складае 1820 км².
Бураеўскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 22146 чалавек. Паводле перапісу 2010 года большасць складаюць башкіры (69,5 %), далей ідуць татары (21,8 %), удмурты (4,3 %), рускія (2,1 %) і марыйцы (1,8 %).