У Вікіпедыі ёсць артыкулы пра іншых асоб з прозвішчам Гудмен.
Бені Гудмен (часам Гудман; поўнае імя Бенджамін Дэвід Гудмен, англ.: Benjamin David Goodman; 30 мая 1909, Чыкага — 13 чэрвеня 1986, Нью-Ёрк) — джазавы кларнетыст і дырыжор, які меў мянушку «Кароль свінга».
Нарадзіўся ў сям’і яўрэйскіх імігрантаў Давіда Гутмана (з Варшавы) і Доры Рэзінскай-Гутман (з Коўна). Граць на кларнеце ён пачаў у дзесяць гадоў, а ўжо праз два гады адбыўся першы канцэрт з яго удзелам. У чатырнаццаць гадоў Гудмен, вырашыўшы прысвяціць сваё жыццё музыцы, кінуў школу.