wd wp Пошук: ⬜

Аўгуст Янавіч Балцін

Аўгуст Янавіч Балцін (сапр. Блюм Тэадор Янавіч) (17 студзеня 1894, Газенпот, Курляндская губерня, Расійская імперыя — 23 чэрвеня 1953) — дзяржаўны дзеяч БССР[1].

Біяграфія

Нарадзіўся 17 студзеня 1894 года ў г. Газенпот Курляндскай губерні (зараз — г. Айзпутэ, Латвія). Член КПСС з 1909 года. Вёў рэвалюцыйную работу ў Лібаве, Пецярбургу, Рызе, Харкаве, Баку [1]. Неаднаразова арыштаваны, сядзеў у турме, высылаўся пад нагляд паліцыі. З канца 1917 года — на кааператыўнай працы ў Закаўказзі і Маскве. З 1929 года — старшыня праўлення Белкаапсаюза, наркам гандлю (1930—31), забеспячэння (1931—33), лёгкай (1934) і мясцовай (1934—37) прамысловасці БССР, намеснік старшыні СНК БССР (1933—34).

4 верасня 1937 года арыштаваны і 9 чэрвеня 1940 года асуджаны пазасудовым органам НКУС, як «удзельнік антысавецкай трацкісцкай арганізацыі, якая існавала на тэрыторыі БССР з 1933 года» да 10 гадоў папраўча-працоўных лагераў з канфіскацыяй маёмасці. Вызвалены ў канцы 1940-х г.

Памёр 23 чэрвеня 1953 года. Рэабілітаваны судовай калегіяй Вярхоўнага суда БССР 4 красавіка 1956 года.

Член ЦК КП(б)Б у 1930—37. Член ЦВК БССР у 1929—37 і яго Прэзідыума ў 1935—37[1].

Зноскі

1 2 3 Балтин Август Янович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 38. — 737 с.

Літаратура

Балцін Аўгуст Янавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 2: Аршыца — Беларусцы. — 480 с. — 10 000 экз. — ISBN 985-11-0061-7 (т. 2), ISBN 985-11-0035-8. С. 264
Балцін Аўгуст Янавіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — 494 с., [8] к.: іл. — 20 000 экз. — ISBN 5-85700-074-2. С. 284