Аўгустоўскі павет

Аўгусто́ўскі павет[1] (польск.: Powiat augustowski) — павет у Польшчы, уваходзіць у склад Падляскага ваяводства. Цэнтр павета — горад Аўгустаў. Займае плошчу 1658,27 км². Насельніцтва павета складае 58 998 чалавек (на 30 чэрвеня 2016 года).

Раней (з XIX стагоддзя) павет існаваў у складзе Прусіі, Расійскай імперыі, міжваеннай Польшчы і БССР.

Адміністрацыйны падзел

• гарады: Аўгустаў, Ліпск
• гарадскія гміны: Аўгустаў
• вяскова-гарадскія гміны: Ліпск
• вясковыя гміны: Аўгустаў, Барглаў Касцельны, Навінка, Пласка, Штабін

Гісторыя

Утвораны ў 1807 годзе з Дамброўскага і Бебжанскага паветаў у складзе Варшаўскага герцагства. Плошча 1779 кв. вёрст, насельніцтва 81 700 чалавек (1897), з якіх 42,3 % палякаў, 32,5 % беларусаў, 5,3 % рускіх. Падзяляўся на 12 валасцей, меў 1 горад і 3 пасады.

У 1815 годзе павет далучаны да Расійскай імперыі. У 1837—1866 гадах у складзе Аўгустоўскай, з 1866 года — у Сувалкаўскай губерні. У 1915—1918 гадах акупаваны германскімі войскамі, затым у складзе Беластоцкага ваяводства Польшчы.

З 1939 года ў складзе БССР, у Беластоцкай вобласці. У студзені 1940 года павет скасаваны і ўтвораны раёны; у 1945 годзе яго тэрыторыя перададзена Польшчы. З 1999 года павет у складзе Падляскага ваяводства.

Асобы

• Шыман Канарскі (1808 — 1839) — дзеяч нацыянальна-вызваленчага руху ў Польшчы, Літве і на Беларусі.

Зноскі

1. ↑ Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.

Спасылкі

• На Вікісховішчы ёсць медыяфайлы па тэме Аўгустоўскі павет
• Афіцыйная старонка павета

Няма спасылак на крыніцы. Адсутнасць спасылак на крыніцы выклікае недавер да інфармацыі. Калі ласка, калі ведаеце крыніцы змешчанай у артыкуле інфармацыі, пазначце іх.