wd wp Пошук: ⬜

Антоні Міхал Пац

.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}

У Вікіпедыі ёсць артыкулы пра іншых асоб з прозвішчам Пац. Антоні Міхал Пац (? — люты 1774) — ураднік Вялікага Княства Літоўскага.

Біяграфія

Паходзіў з магнацкага роду Пацаў герба «Газдава». Нарадзіўся ў сям’і Крыштофа Канстанціна Паца і Марыяны са Стадніцкіх.

Пісар вялікі літоўскі з 1750 года, пасол на соймы з 1740 года. Служыў у войску ВКЛ, палкоўнік, рэгіментар (камандзір) дывізіі з 1760 года.

Прыхільнік вялікага гетмана літоўскага М. К. Радзівіла, у 1763 годзе перайшоў на бок групоўкі князёў Чартарыйскіх, прыхільнік кандыдатуры Станіслава Аўгуста Панятоўскага, які і быў выбраны каралём у 1764 годзе; у 1767 годзе зноў перайшоў у лагер Радзівілаў.

Валодаў мястэчкам Езна (Троцкі павет), дзе збудаваў шыкоўны палац, маёнткамі Галоўчын, Княжыцы, Рафалаў у Аршанскім павеце, Канюхі ў Ваўкавыскім павеце.

Сям’я

14 лютага 1744 года ажаніўся з Тэрэзай Барбарай з Радзівілаў (1714—1780), дачкой ваяводы навагрудскага Мікалая Фаўсціна Радзівіла (1688—1746) і Барбары з Завішаў (1690—1762). Дзеці:

Юзэфа Пац, у шлюбе з сенатарам Царства Польскага Тамашам Ваўжэцкім;
Ганна Пац, у шлюбе з падкаморым троцкім Стэфанам Дамінікам Ромерам;
Міхаіл Пац (1754—1800), генерал-маёр (1783), староста ковенскі і барцянскі

Зноскі

↑ Lundy D. R. Count Antoni Michal Pac // The Peerage
↑ (unspecified title) Праверана 7 жніўня 2020.
↑ (unspecified title) Праверана 3 кастрычніка 2016.
1 2 Lundy D. R. The Peerage

Літаратура

Анатоль Грыцкевіч. Пацы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх