wd wp Пошук: ⬜

Андрэй Сяргеевіч Аршавін

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Андрэ́й Сярге́евіч Арша́він (нар. 29 мая 1981, Ленінград) — былы расійскі футбаліст, заслужаны майстар спорту Расіі (2008). Гуляе на пазіцыях другога нападніка, плэймэйкера, атакавалага паўабаронцы. Пры трэнеры Гусе Хідынку стаў адным з асноўных ігракоў нацыянальнай каманды Расіі.

У 2008 годзе пасля чэмпіянату Еўропы 2008 года патрапіў у сімвалічную зборную Еўропы па версіі УЕФА, а 2 снежня, у выніку галасавання на азначэнні лепшага іграка 2008 года і ўручэнне ўзнагароды «Залаты мяч» па версіі часопіса «France Football», заняў 6-е месца, што з’яўляецца лепшым вынікам для расійскага футбаліста пасля распаду СССР. Неаднаразова прызнаваўся лепшым футбалістам Расіі ў розных апытаннях. Паводле апытанняў УЦВГД і «Лявада-Цэнтра», займае 18-е месца ў спісе Топ-100 эліты Расіі за 2008 год.

Футбольная кар’ера

Футболам пачаў займацца з 7 гадоў. Выхаванец СДЮШАР «Змена», трэнеры — Сяргей Гардзееў і Віктар Вінаградаў. За дарослую каманду «Змены» пачаў гуляць у 16 гадоў. З 1999 стаў выступаць за рэзервовы склад ФК «Зеніт». У 19 гадоў дэбютаваў у асноўным складзе «Зеніта». 2 жніўня 2000 года Юрый Марозаў выпусціў яго на замену замест Андрэя Кобелева ў гасцявым матчы Кубка Інтэртота супраць англійскага «Брэдфарда» (3:0).

З тых часоў згуляў у складзе «Зеніта» 310 афіцыйных матчаў, забіў 71 мяч. Заваяваў з камандай залатую, срэбную і бронзавую медалі чэмпіянату Расіі.

«Арсенал»

За «Арсенал» Аршавін дэбютаваў 21 лютага 2009 года ў хатнім паядынку з «Сандэрлендам» (0:0). У гэтым матчы Андрэй быў прызнаны наведвальнікамі сайту BBC лепшым іграком.

14 сакавіка 2009 года ў матчы англійскай Прэм’ер-лігі супраць «Блэкберна» на 65-й хвіліне Андрэй забіў свой першы гол за «Арсенал». У першым тайме Аршавін атрымаў пашкоджанне ў выніку сутыкнення з абаронцам «Блэкберна» Андрэ Оерам, з-за чаго ў перапынку яму наклалі восем швоў[4]. Нягледзячы на гэта, Андрэй выйшаў на другі тайм, адкрыў лік сваім галам за «Арсенал» і ізноў быў абраны лепшым іграком матчу па версіі наведвальнікаў інтэрнэт-партала BBC.

21 красавіка 2009 года забіў 4 галы ў гасцявым матчы англійскай Прэм’ер-лігі супраць «Ліверпула», аформіўшы тым самым свой першы за кар’еру покер. Выніковы лік матчу 4:4.

«Зеніт»

24 лютага 2012 года за дзве хвіліны да закрыцця трансфернага вакна ў Расіі, Аршавін быў аддадзены ў арэнду ў «Зеніт» да канца сезону 2011/12 [5]. 27 чэрвеня 2013 года было афіцыйна абвешчана пра трансфер іграка ў «Зеніт»[6]. Калі спачатку пры Лучана Спалеці трывала гуляў у аснове, то новы трэнер Андрэ Вілаш-Боаш стаў часцей пакідаць Аршавіна на лаўцы запасных. Па заканчэнні кантракта ўлетку 2015 года было вырашана яго не падаўжаць, і з 30 чэрвеня Аршавін стаў свабодным агентам.

«Кубань»

13 ліпеня 2015 года афіцыйна стаў іграком краснадарскай «Кубані», падпісаўшы кантракт на 1 год[7]. Згуляўшчы за каманду 9 матчаў, у студзені 2016 года па ўзаемнай згодзе разарваў кантракт з краснадарцамі[8].

«Кайрат»

18 сакавіка 2016 года пасля доўгі перамоў падпісаў кантракт з казахстанскім «Кайратам» па схеме «1+1»[9]. У складзе «Кайрата» тройчы стаў срэбраным прызёрам чэмпіянату Казахстана, выйграў Кубак Казахстаха. У лістападзе 2018 года стала вядома, што Аршавін па заканчэнні сезону пакідае «Кайрат»[10] і завяршае прафесійную кар’еру.

Выступы за зборную

У зборнай Расіі Аршавін дэбютаваў у 20-гадовым узросце 17 мая 2002 года ў гульні Расія — Беларусь на турніры «Кубак LG» у Маскве, у рамках падрыхтоўкі зборнай Расіі да чэмпіянату свету 2002 года. На працягу наступных двух гадоў ён згуляў за нацыянальную каманду толькі ў двух матчах, у другім з якіх (13 лютага 2003, Румынія — Расія, 2:4) адкрыў лік сваім забітым мячам за зборную. У 2003 годзе Аршавін выступаў у моладзевай зборнай Расіі, згуляў 5 матчаў, забіў 1 гол.

У рамках падрыхтоўкі да чэмпіянату Еўропы 2004 года ў Партугаліі Аршавін згуляў свой чацверты матч за зборную (28 красавіка 2004, Нарвегія — Расія, 3:2), але ў заяўку на турнір уключаны не быў. Пасля Еўра-2004 нападнік «Зеніта» стаў стала выклікацца ў каманду і хутка замацаваўся ў яе асноўным складзе. У 2005 і 2006 гадах Аршавін станавіўся лепшым бамбардзірам зборнай, быў капітан каманды ў 2006—2007 годах. Усяго за зборную Расіі згуляў 41 матч, забіў 15 галоў.

З-за таго, што зборная Расіі не змагла заваяваць права выступу на чэмпіянаце свету 2006 года ў Германіі, першым буйным турнірам, у якім Аршавін змог прыняць удзел у складзе нацыянальнай каманды, стаў чэмпіянат Еўропы 2008 года.

Еўра-2008

На Еўра-2008 27-гадовы Аршавін быў заяўлены пад нумарам 10. З-за дыскваліфікацыі ён не мог прыняць удзел у першых двух матчах. Упершыню на турніры ён выйшаў на поле ў трэцяй сустрэчы, заключнай у групе, супраць Швецыі. У гэтым матчы зборная Расіі перамагла 2:0, вырашыўшы задачу выхаду ў наступны круг, і паказаў добрую гульню. Андрэй Аршавін быў прызнаны лепшым іграком матчу.

Ён ярка выступіў у чвэрцьфінальным матчы са зборнай Галандыі. У гэтай гульні ён удзельнічаў ва ўсіх трох галах, якія забіла зборная Расіі. Аддаў галявы пас, а трэці гол, які зняў усе пытанні аб пераможцы гэтага чвэрцьфіналу, забіў сам, прыняўшы мяч, укінуты з-за бакавы партнёрам па «Зеніта» Анюковым, добра стукнуў па варотах; мяч злёгку змяніў кірунак руху ад нагі абаронцы, і мінуў паміж нагамі галандскага брамніка ван дэр Сара, што гуляў перадапошні матч за зборную ў кар’еры. Другую гульню запар Аршавін быў прызнаны лепшым іграком матчу і атрымаў захопленыя водгукі заходніх спецыялістаў і журналістаў, а шэраг вядомых еўрапейскіх клубаў, уключаючы іспанскую «Барселону», выказалі жаданне займець Андрэя ў свой склад[11]. Сам жа футбаліст заявіў, што праводзіў і больш добрыя матчы.

У наступным матчы, сталым апошнім для зборнай Расіі на турніры, Аршавін быў у гульні малапрыкметны. Меркаванні спецыялістаў аб чынніках падзяліліся. Адны палічылі, што Аршавін сам не паказаў сваіх лепшых якасцей, другія — што справа была ў высокім узроўні абаронцаў іспанскай зборнай і вялікай увазе, якое яны яму надавалі, а трэція адзначылі, што сярэдняя лінія саступіла іспанцам і не змагла забяспечваць Аршавіна мячом[12].

Па выніках турніру патрапіў у сімвалічную зборную Еўра-2008.

Дасягненні

Камандныя

2000 — Фіналіст Кубка Інтэртота
2001 — Бронзавы прызёр чэмпіянату Расіі
2002 — Фіналіст Кубка Расіі
2003 — Сярэбраны прызёр чэмпіянату Расіі
2003 — Уладальнік Кубка Прэм’ер-лігі
2007 — Чэмпіён Расіі
2008 — Уладальнік Суперкубка Расіі
2008 — Уладальнік Кубка УЕФА 2007/2008
2008 — Бронзавы прызёр чэмпіянату Еўропы 2008
2008 — Уладальнік Суперкубка УЕФА
2012 — Чэмпіён Расіі
2014 — Сярэбраны прызёр чэмпіянату Расіі
2015 — Чэмпіён Расіі
2016 — Сярэбраны прызёр чэмпіянату Казахстана
2017 — Уладальнік Суперкубка Казахстана
2017 — Уладальнік Кубка Казахстана

Асабістыя

У спісах 33 лепшых футбалістаў чэмпіянату Расіі (7): № 1 (2005, 2006, 2007, 2008); № 2 (2001, 2002, 2004)
2001 — Лепшы паўабаронца чэмпіянату Расіі па адзнаках газеты «Спорт-Экспрэс»
2004 — Лепшы футбаліст года па выніках апытання чытачоў газеты «Спорт-Экспрэс»
2004—2006 — Лепшы другі нападнік па адзнаках газеты «Спорт-Экспрэс»
2006 — Лепшы футбаліст года па выніках апытання футбалістаў Прэм’ер-лігі газетай «Спорт-Экспрэс»
2006 — Лепшы футбаліст года па выніках апытання журналістаў штотыднёвікам «Футбол»
2006 — Лепшы футбаліст года па версіі Расійскага футбольнага саюза
2006 — Лепшы ігрок чэмпіянату Расіі па ацэнках газеты «Спорт-Экспрэс»
2006 — Уладальнік прыза «Лідар нацыянальнай зборнай»
2006 — Футбаліст года па версіі тэлеперадачы «Футбол Расіі»
2007 — Лаўрэат конкурсу «Зорка» газеты «Спорт-Экспрэс»
2008 — Удзельнік Эстафеты Алімпійскага агню ў Санкт-Пецярбургу
2008 — Лепшы ігрок фінальнага матча Кубка УЕФА 2008
2008 — Лепшы ігрок у матчы групавога этапу чэмпіянату Еўропы 2008 Расія — Швецыя (2:0)
2008 — Лепшы ігрок у матчы 1/4 фіналу чэмпіянату Еўропы 2008 Нідэрланды — Расія (1:3)
2008 — Патрапіў у сімвалічную зборную Чэмпіянату Еўропы 2008 года па версіі УЕФА.
2008 — Патрапіў у спіс прэтэндэнтаў на ўзнагароду «Залаты мяч» па выніках 2008 года.
2004—2006 — віцэ-капітан ФК «Зеніт»
2005—2006 — лепшы бамбардзір ФК «Зеніт»
люты—сакавік 2007 — капітан ФК «Зеніт»
2006—2007 — капітан зборнай Расіі
З 2 лютага 2009 года — ігрок лонданскага «Арсенала»
2009 — лепшы ігрок «Арсенала» ў сакавіку

Узнагароды

Ганаровы грамадзянін Муніцыпальнага ўтварэння «Акруга Пятроўская» Санкт-Пецярбургу (2008).[13]
Заслужаны майстар спорту Расіі (25 снежня 2008) — за заслугі ў вобласці фізічнай культуры і спорту[14]
Ордэн «Гонар і Мужнасць» (2008, грамадскі фонд «Гонар і Мужнасць»)[15]

Статыстыка выступаў

Клуб	Сезон	Чэмпіянат			Кубак^[16]			Еўракубкі			Усяго
Клуб	Сезон	Матчы	Галы	Перадачы	Матчы	Галы	Перадачы	Матчы	Галы	Перадачы	Матчы	Галы	Перадачы
Зеніт	2000	10	0	1	1	0	0	3	0	0	14	0	1
	2001	29	4	8	5	1	2	0	0	0	34	5	10
	2002	30	4	7	0	0	0	4	2	5	34	6	14
	2003	27	5	10	3	0	2	0	0	0	30	5	10
	2004	28	6	8	4	2	1	8	4	1	40	12	10
	2005	29	9	9	3	0	0	13	5	3	45	14	12
	2006	28	7	13	4	0	1	0	0	0	32	7	14
	2007	30	10	13	2	1	4	14	4	10	46	15	27
	2008	27	6	8	1	1	0	7	0	1	34	7	9
	За ўвесь час	238	51	77	26	5	13	46	15	20	312	71	109
Арсенал	2008/2009	12	6	7	3	0	2	0	0	0	15	6	9
Арсенал	За ўвесь час	12	6	7	3	0	2	0	0	0	15	6	9
Клуб	Сезон	Матчы	Галы	Перадачы	Матчы	Галы	Перадачы	Матчы	Галы	Перадачы	Матчы	Галы	Перадачы

Дзяцінства

Любоў да футбола Андрэю прывіў бацька, у мінулым нядрэнны ігрок. У дзяцінстве Андрэй, акрамя футбола, захапляўся яшчэ шашкамі і меў па іх юнацкі разрад. Яго настаўнік у секцыі шашак Дому піянераў і школьнікаў Васілеастроўскага раёна ўгаворваў Аршавіна звязаць сваё жыццё з прафесійнай гульнёй у шашкі, у якой ён праракаў свайму вучню вялікую будучыню, але Андрэй упадабаў футбол.[17]

Удзел у палітыцы

Прымаў удзел на выбарах 11 сакавіка 2007 года ў якасці кандыдата ў дэпутаты Заканадаўчага сходу Санкт-Пецярбургу ад партыі «Адзіная Расія», у складзе партыйнага спісу дамогся перамогі, аднак пазней адмовіўся ад мандату [18].

Сям’я

Жонка Юлія, сын Арцём і дачка Яна[19].

Папярэднік: Даніел Карвалью	Футбаліст года ў Расіі 2006	Пераемнік: Канстанцін Зыранаў
Папярэднік: Яўген Алдонін	Капітан Зборнай Расіі па футболе 2006—2008	Пераемнік: Сяргей Сямак

Зноскі

↑ Andrey Arshavin // Transfermarkt — 2000. Праверана 9 кастрычніка 2017.
↑ ANDREY SERGEEVICH ARSHAVIN // Base de Datos del Futbol Argentino
↑ Andrei Arshavin // As — Madrid: Grupo PRISA, 1967.
↑ Arshavin ‘desperate’ to face Hull in FA Cup Аршавін прагне згуляць з «Халам» у Кубку Англіі
↑ За «Зенит» Аршавин заявлен под 29-м номером. championat.com
↑ «Зенит» объявил о возвращении Аршавина. Lenta.ru
↑ Андрей Аршавин подписал контракт с “Кубанью”
↑ Аршавин ушел из «Кубани»
↑ “Кайрат” объявил о подписании контракта с Андреем Аршавиным
↑ Аршавин покидает «Кайрат»
↑ «Барселона» зацікаўленая ў паслугах Аршавіна//«Спорт-Экспрэс», 26 чэрвеня 2008 года
↑ Arshavin really is a very special talent Інтэрвію эксперта газеты «The Guardian» па ўсходнееўрапейскім футболе Джонатана Уілсана
↑ Аршавін стаў ганаровым грамадзянінам акругі «Пятроўская» Архівавана 21 кастрычніка 2008.
↑ Загад аб прысваенні спартыўнага звання «Заслужаны майстар спорту Расіі» Архівавана 30 студзеня 2009.
↑ Сайт МУС
↑ Таксама лічацца матчы ў Суперкубку
↑ Андрэй Аршавін. Акцёр, мадэльер і барацьбіт за справядлівасць
↑ Вярбіцкая і Аршавін не пайдуць у парламент Архівавана 28 снежня 2007.
↑ Афіцыйны сайт Андрэя Аршавіна(недаступная спасылка)

Спасылкі

На Вікісховішчы ёсць медыяфайлы па тэме Андрэй Сяргеевіч Аршавін
Профіль на сайце transfermarkt.com (англ.)
Статыстыка на сайце National Football Teams (англ.)
Статыстыка на сайце footballfacts.ru (руск.)
Профіль на сайце soccerway.com (руск.)
Статыстыка на сайце UEFA.com (руск.)
Статыстыка на сайце FIFA (англ.)
Статыстыка на сайце soccerbase.com (англ.)
Профіль на сайце «Зборная Расіі па футболе»
Неафіцыйны сайт Андрэя Аршавіна
Андрэй Аршавін у Лентапэдыі