Аляксандр Іванавіч Дыдышка (1 ліпеня 1911, Вэрхнёдніпроўск, цяпер Днепрапятроўская вобласць, Украіна — 5 лютага 1944) — удзельнік савецка-фінляндскай і Вялікай Айчынай войнаў. Герой Савецкага Саюза (11.4.1940).
Нарадзіўся ў горадзе Верхнедняпроўск (цяпер у Депрапятроўскай вобласці Украіны). Пасля заканчэння сямігодкі працаваў кавалём. У Чырвонай Арміі з 1929 года. У 1933 годзе скончыў Адэскае артылерыйскае вучылішча.
Дывізіён пад камандаваннем капітана А. Дыдышка вызначыўся падчас савецка-фінляндскай вайны 1939—1944, знішчыў 4 мінамётныя і 5 артылерыйскіх батарэй, 2 чыгуначныя ўмацаванні, 5 агнявых кропак і жывую сілу праціўніка.
На франтах Вялікай Айчыннай вайны з чэрвеня 1941 года. Удзельнічаў у абароне Масквы, вызваленні Калінінскай, Смаленскай і Віцебскай абласцей. Камандзір 43-га Дзямідаўскага гарматнага артылерыйскага палка палкоўнік Дыдышка А. І. загінуў 5 лютага 1944 года ў баі за горад Гарадок (Віцебская вобласць).
У горадзе Гарадок Віцебскай вобласці імем А. І. Дыдышка названа адна з вуліц.