Агрэставыя (Grossulariaceae) — сямейства двухдольных кветкавых раслін парадку Каменяломнікакветныя. Большасць сучасных публікацый разглядае сямейства як манатыпнае, якое ўключае адзіны род парэчкі (Ribes), які змяшчае каля 190 відаў.
Раней у склад роду Grossularia вылучалі агрэст (Ribes uva-crispa) пад назвай Grossularia uva-crispa (L.) Mill., ці Grossularia reclinata (L.) Mill. або іншымі.
Распаўсюджаныя ў абласцях ўмеранага клімату паўночнага паўшар’я, а таксама ў гарах Цэнтральнай і Паўднёвай Амерыкі. Шэраг відаў адносіцца да ліку харчовых (ягадных) раслін; некаторыя разводзяцца як дэкаратыўныя.
Кусты з простым чарговым лісцем. Кветкі правільныя, абодваполыя. Чашачка з 5 чашалісцікаўаў, зрослых у трубку, прырослую да завязі. Пялёсткі звычайна драбней чашалісцікаў. Тычынак 5. Песцік з ніжняй аднагнёздавай завяззю, які змяшчае шматлікія семяпупышкі.
Плады — сакавітыя шматнасенныя ягады. Насенне з эндаспермамам.