wd wp Пошук: ⬜

Хрудзім

Хрудзім (чэшск.: Chrudim [ˈxruɟɪm]) — горад на захадзе Пардубіцкага края Чэхіі. З’яўляецца адміністрацыйным цэнтрам раёна Хрудзім. Насельніцтва — 23 484 чалавек (2006). Размяшчаецца ў 110-і кіламетрах на ўсход ад Прагі.

Гісторыя

У VII—VIII стст. у раён цяперашняга Хрудзіма прыйшлі славяне. Паселішча, відавочна, з’явілася ў IX стагоддзі, хоць першая згадка пра яго адносіцца да 1055 года, калі тут памёр чэшскі князь Бржэціслаў I. У часы кіравання Пржэмысла Отакара II Хрудзім стаў каралеўскім горадам. Яго выгоднае становішча на шляху з Прагі ў Маравію зрабіла Хрудзім адным з асноўных гарадоў Чэшскага каралеўства.

Падчас Гусіцкіх войнаў (1419—1434) Хрудзім падтрымаў прыхільнікаў Гуса, нямецкае насельніцтва пакінула горад. Цяжкім бедствам для горада стала таксама Трыццацігадовая вайна. Хрудзім пачаў страчваць сваю былую значнасцю.

Будаўніцтва чыгункі праз Хрудзім у трэцяй чвэрці XIX стагоддзя негатыўна адбілася на эканоміцы горада. Нягледзячы на гэта Хрудзім паступова станавіўся культурным цэнтрам.

Насельніцтва

Год	1869	1880	1890	1900	1910	1921	1930
Насельніцтва	10 585	13 240	13 484	14 413	14 996	14 620	14 776
Год	1950	1961	1970	1980	1991	2001	2009
Насельніцтва	15 210	16 460	18 238	21 393	23 643	23 898	23 718

Славутасці

• Касцёл Узнясення Дзевы Марыі (1857—1879)
• Касцёл Св. Іосіфа (1662—1665)
• Касцёл Св. Кацярыны Александрыйскай (1662—1665)
• Чумны слуп

Вядомыя выхадцы і жыхары

• Карнеліус Віктарын з Вшэгрда (каля 1460—1520) — чэшскі пісьменнік-гуманіст, асветнік XV стагоддзя, перакладчык, юрыст, педагог.
• Іозеф Рэсель (1793—1857) — вынаходнік, які прапанаваў новы рухавік для судна — вяслярны вінт, змяшчаны ў кармавой частцы, і пабудаваў першы ў свеце параход «Чывета» з вяслярным вінтом.
• Францішак Шморанц старэйшы (1814—1902) — чэшскі архітэктар і рэстаўратар. Ганаровы грамадзянін Хрудзіма.

Гарады-пабрацімы

• Алесніца
• Свіднік
• Чаркасы
• Эдэ

Зноскі

1. ↑ Jakl L. Jak stará jsou česká města? Legendy a fakta. // iDNES.cz — 2011.

Спасылкі

• Афіцыйны сайт Архівавана 6 мая 2021. (чэшск., англ., ням.)
• Гісторыя горада Архівавана 21 мая 2006. (англ.)
• Chrudim - virtual show

Тэмы гэтай старонкі (5):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Населеныя пункты паводле алфавіта
Катэгорыя·Гарады Пардубіцкага края
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Вікіпедыя·Артыкулы з крыніцамі з Вікідадзеных