Сюрстромінг
Сюрстромінг (шведск.: surströmming) — шведскі нацыянальны прадукт, які ўяўляе сабой кансерваваны квашаны селядзец.
Гатаванне
Селядзец ловяць у красавіку да нерасту. Галаву і вантробы выдаляюць, але ікру пакідаюць для смака. Апендыкс таксама пакідаюць, паколькі ў ім змяшчаюцца ферменты, істотна важныя для размякчэння. Селядзец на некалькі дзён кладуць у бочкі з з’едлівым тузлукам (канцэнтраваным саляным растворам), каб выдаліць кроў і тлушч. Затым рыбу перакладаюць у бочачкі з менш канцэнтраваным тузлукам, дзе яна размягчаецца і кісне яшчэ прыкладна два месяцы. У ліпені яе закрываюць у банкі і ставяць у халоднае месца. Якасць канчатковага прадукту вызначаецца канцэнтрацыяй тузлука і тэмпературай, пры якой захоўваюцца бочачкі. Рыба працягвае кіснуць нават пасля таго, як яе закрываюць у банкі.
Падчас працэсу закісання ўласныя ферменты прадукта і бактэрыі ўтвараюць прапіонавую кіслату, бутанавую кіслату і воцатную кіслату, а таксама серавадарод, што надае рыбе рэзкі непрыемны пах.[1]
Ужыванне
Шведы ядуць сюрстромінг з варанай бульбай, таматамі, сырой цыбуляй або з хлябцамі з маслам. Таксама сюрстромінг можа выкарыстоўвацца для прыгатавання бутэрбродаў. Найбольш распаўсюджаныя напоі, якія ўжываюцца з сюрстромінгам: піва, шнапс, малако або шведскі аналаг кваса. Некаторыя вытанчаныя гурманы заядаюць рыбу брусніцамі і запіваюць малаком.
Цікавыя факты
- 4 чэрвеня 2005 года першы ў свеце музей сюрстромінга быў адкрыты ў Шэпсмальме, што 30 км на поўнач ад Эрншэльдсвіка, горад у паўночнай часткі Высокага берага.
- У красавіку 2006 года некаторыя буйныя авіякампаніі, такія як Air France і British Airways, забаранілі правоз кансерваванага сюрстромінга, растлумачыўшы гэта патэнцыйнай «выбуханебяспечнасцю» банак. У выніку, у Стакгольмскім аэрапорце Арланда быў спынены продаж прадукта.[2]
Зноскі
- ↑ McGee, Harold (2004). On Food and Cooking (Revised Edition). Scribner. ISBN 0-684-80001-2. https://archive.org/details/onfoodcookingsci0000mcge_e4f3. p 236
- ↑ Bevanger, Lars. Airlines ban ‘foul’ Swedish fish (нявызн.), British Broadcasting Corporation (1 April 2006). Праверана 24 верасня 2007.
Літаратура
- Ringblom, Fredrik and Westerlund, Örjan (2009) En handbok surströmming Grenadine. ISBN 9789185329816. (шведск.)
Спасылкі
На Вікісховішчы ёсць медыяфайлы па тэме Сюрстромінг- Партал: Surstromming.se
- Музей сюрстромінга ў Шэпсмальме (Швецыя)
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Старонкі з няправільным сінтаксісам спасылак на крыніцы
Катэгорыя·Стравы паводле алфавіта
Катэгорыя·Рыбныя стравы
Катэгорыя·Кансервы
Катэгорыя·Шведская кухня