Нікалас Тынберген (нідэрл.: Nikolaas «Niko» Tinbergen, 15 красавіка 1907, Гаага — 21 снежня 1988) — нідэрландскі вучоны ў галіне эталогіі і зоапсіхалогіі. Прафесар (1960).
Скончыў Лейдэнскі ўніверсітэт (1932). З 1949 года ў Оксфардскім універсітэце (Вялікабрытанія). Навуковыя працы па паводзінах птушак. Распрацаваў (з К.Лорэнцам) вучэнне пра інстынктыўныя паводзіны жывёл і іх развіццё ў онта- і філагенезе. Нобелеўская прэмія па фізіялогіі і медыцыне (1973) (разам з К.Лорэнцам і К.фон Фрышам).