У гэтага паняцця ёсць і іншыя значэнні, гл. Мінесота (значэнні).
Штат Мінесота (англ.: Minnesota) — штат на поўначы ЗША. На поўначы мяжуе з канадскімі правінцыямі: Манітоба і Антарыа. На ўсходзе штат мяжуе з Вісконсінам, на поўдні з Аявай, на захадзе з Паўночнай і з Паўднёвай Дакотай.
Буйнейшым горадам штата з’яўляецца Мінеапаліс, сталіца знаходзіцца ў горадзе Сент-Пол. Іншыя буйныя гарады: Блумінгтан, Дулут, Рочэстэр, Бруклін-Парк.
Да сярэдзіны XIX ст. Мінесота была населена пераважна індзейскімі плямёнамі сіў і аджыбвэ. Назва штата паходзіць ад выразу дакота Waåbdi Wakiya M ni Sota Makoce (“зямля, дзе чыстыя воды адлюстоўваюць хмары”)[3]. У 1951 г. аджыбвэ і сіў заключылі шэраг дагавораў з ЗША, якія прадугледжвалі перадачу часткі зямель белым пасяленцам, наўзамен атрымалі 3 750 000 долараў[4]. Пасля гэтага пачалася масавая міграцыя фермераў.
11 мая 1858 года штат Мінесота ўвайшоў у склад ЗША і стаў 32 штатам. У тым жа годзе была прынята яго канстытуцыя. У 1862 г. адбылося паўстанне сіў. Пасля яго здушэння індзейскія тэрыторыі яшчэ больш скараціліся.