wd wp Пошук: ⬜

Дублін

У паняцця ёсць і іншыя значэнні, гл. Дублін (значэнні).

Ду́блін (англ.: Dublin; [dʌblɪn]), або Бале-Аха-Кліях (ірл. Baile Átha Cliath; [bˠalʲə a:ha klʲiəh]) — горад у Ірландыі, сталіца краіны.

Размешчаны на пры ўпадзення ракі Ліфі ў Дублінскі заліў Ірландскага мора. Самы вялікі горад на востраве Ірландыя і ў Ірландскай Рэспубліцы, займае плошчу каля 115 км². Галоўны порт краіны на Ірландскім моры. Асноўны цэнтр палітычнага, эканамічнага і культурнага жыцця краіны. Насельніцтва 506 тыс. чал. (2009), з прыгарадамі — каля 1,5 млн.

Гісторыя

Паселішча на месцы сучаснага Дубліна існавала, імаверна, ужо ў 1 ст., але ўласна горад быў заснаваны вікінгамі каля 841 года. У 999 годзе Дублін быў узяты Брыянам Бору, будучым вярхоўным каралём Ірландыі. У 1166 годзе ў дублінскай кафедры каранаваўся Руайдры Уа Канхабар, апошні бясспрэчны вярхоўны кароль (у 1169 годзе пачаўся захоп Ірландыі Англіяй).