Рычард Брынслі Шэрыдан (англ.: Richard Brinsley Sheridan, 30 кастрычніка 1751 — 7 ліпеня 1816) — англа-ірландскі пісьменнік і палітык-ліберал.
Вучыўся ў прывілеяванай школе Хараў, вывучаў права ў Лондане. У 1780—1812 гадах член парламента, адзін з лідараў радыкальнага крыла партыі вігаў, вядомы сваімі дэмакратычнымі поглядамі. 3 1774 годзе займаўся драматургіяй. У 1776—1809 гадах узначальваў тэатр «Друры-Лейн».
Стварыў «вясёлую камедыю», якая наблізіла англійскую драматургію да рэалістычнай. У ранніх творах завастраў увагу на маральньк праблемах свайго часу, высмейваў норавы вышэйшага свету (камедыя «Сапернікі», фарс «Дзень святога Патрыка, альбо Прадпрымальны лейтэнант», камічная баладная опера «Дуэнья», усе паст. 1775); у позніх — дэманстраваў канфлікт грошай і маралі, ствараў сацыяльныя камедыі («Паездка ў Скарбара», «Школа зласлоўя», абедзве паст. 1777; «Крытык», паст. 1779). Камедыі Р. Шэрыдана вызначаюцца дасціпнасцю, выразнасцю, парадаксальнымі сітуацыямі, кантрастам у дзеянні і характарах, двухпланавасцю кампазіцый.