wd wp Пошук:
    ⬜

    Parnassius charltonius

    Parnassius charltonius — дзённы матылёк роду Parnassius сямейства Паруснікі (Papilionidae).

    Этымалогія назвы

    Відавая назва была дадзена ў гонар маёра брытанскага корпуса Х. Чарльтана, які лавіў насякомых у паўночнай Індыі, калекцыянера матылькоў[1].

    Апісанне

    Паштовая марка Узбекістана, 2006

    Размах крылаў матылька 75-80 мм. Афарбоўка крылаў жаўтлява-белая, з шэрым малюнкам на пярэдніх крылах. Пярэднія крылы па сваім вонкавым краі напаўпразрыстыя. Заднія крылы з вочкавымі плямамі чырвонага і сіняватага колераў па вонкавым краі[2].

    Арэал

    Афганістан, Кыргызстан, Заходні Узбекістан, Таджыкістан, Пакістан, Паўночная Індыя (штат Джаму і Кашмір, Хімачал-Прадэш і Утаракханд), Тыбет і Кітай. Сустракаецца на добра асветленых сонцам горных камяністых схілах на вышынях 3000-4200 метраў над узроўнем мора[3]. У паўночна-заходніх Гімалаях сустракаецца на вышынях да 5000 метраў.

    Біялогія

    За год развіваецца адно пакаленне. Лёт матылькоў адзначаецца з сярэдзіны ліпеня па верасень[3], у некаторых папуляцыях лёт адбываецца толькі ў цотныя гады[3]. Матылі вядуць выключна дзённы лад жыцця і актыўныя толькі ў сонечнае надвор’е. Маючы патрэбу ў дадатковым харчаванні, яны ахвотна наведваюць квітнеючыя расліны, у прыватнасці роду Чартапалох[3].

    Размнажэнне

    Самкі пасля спарвання нясуць на сабе жорсткі хітынавы прыдатак на ніжнім баку брушка — сфрагіс (лац. — пячаць, пломба), які стварае самец падчас спарвання. Прызначэнне сфрагіса — выключэнне паўторнага апладнення самкі іншымі самцамі. У пахмурнае надвор’е маладыя вусені ўтвараюць навалы. Дарослы вусень жыве адзінкава. Актыўны толькі ў сонечнае надвор’е, а ў пахмурныя дні хаваецца пад камянямі. Звычайна зімуюць вусені. Яны развіваюцца на раслінах роду Corydalis — Corydalis gortschakovi і Corydalis stricta[3]. Вусені акукляюцца пад камянямі або ў ліставай падсцілцы ля кусцікаў кармавых раслін. Кукалка тоўстая, круглявая.

    Падвіды

    Самка

    Апісаныя формы і падвіды[4]:

    Зноскі

    1. ↑ Дарвінаўскі музей — Экспазіцыя музея — Апалон Чарлтона Архівавана 18 сакавіка 2008.
    2. ↑ Каабак Л. В., Сочивко А. В. «Матылькі свету» -М.: Аванта+, 2003 ISBN 5-94623-008-5
    3. 1 2 3 4 5 Tuzov et al.
    4. ↑ Parnassius of The World -.
    Тэмы гэтай старонкі (5):
    Катэгорыя·Жывёлы паводле алфавіта
    Катэгорыя·Артыкулы з перасягнутай глыбінёй разгортвання
    Катэгорыя·Біялагічныя артыкулы без ITIS
    Катэгорыя·Вікіпедыя·Ізаляваныя артыкулы/сірата0
    Катэгорыя·Насякомыя Азіі