Утаракханд (англ.: Uttarakhand), штат на поўначы Індыі, гранічыць з КНР, Непалам, а таксама са штатамі Утар-Прадэш, Хімачал-Прадэш, Хар’яна. Займае 18-е месца сярод штатаў па плошчы (53 566 км2) і 19-е па насельніцтву (8,5 млн. чалавек, 2008). Адміністрацыйны цэнтр — Дэхрадун.
Назва Утаракханд сустракаецца ў старажытных індуісцкіх рукапісах, перакладаецца з санскрыта як «паўночная краіна»: uttara (उत्तर) — поўнач, khaṇḍ (खण्ड्) - краіна ці рэгіён.
Уключае рэгіёны Кумаон і Гархвал. 93% плошчы штата занятае гарамі, 64% пакрыта лесам. На тэрыторыі штата знаходзяцца вытокі Ганга і Джамны.
6-мільярдны ВУП штата (2004) утвараецца ў значнай ступені за кошт сельскай гаспадаркі, а таксама турызму - рэкрэацыйнага, экстрэмальнага і рэлігійнага. Тут размешчаны шматлікія прыродаахоўныя тэрыторыі, кліматычныя курорты і месцы паломніцтваў індуістаў.
Індуізм вызнае 85% насельніцтва, іслам — 10,5%, сікхізм — 2,5% (2001). Насельніцтва хіндзімоўнае, значную частку складаюць непальскія народнасці.