Mojo Blues — беларускі гурт, што граў музыку ў стылі рытм-энд-блюз.
Гурт утвораны ў 1997 годзе былымі ўдзельнікамі гурта Крама — гітарыстам Іллёй Шэўчыкам і ўдарнікам Сяржуком Кнышам, да іх далучыўся спяваючы бас-гітарыст Bros In Blues (а раней Зіндан, Сузор’е) Аляксей Казлоўскі[1]. У 1999 годзе Казлоўскі з’ехаў у ЗША, пакінуў гурт без аўтара і вакаліста[2]. Пасля некалькіх гадоў зменаў у складзе ў 2003 гурт знайшоў сталую спявачку Юлію Петрушкевіч (што спявала некалі ў Бан-Жвірбе) і здолеў выпусціць трэці альбом[3]. Пасля працяглых гастроляў па Еўропе[4] і Кітаі[5] гурт ціха спыніў сваё існаванне.