wd wp Пошук:
    ⬜

    Limenitis reducta

    Limenitis reducta — дзённы матылёк з сямейства німфалід.

    Этымалогія лацінскай назвы

    Reducta (з лацінскай) — скарочаны, зніклы. Назва адлюстроўвае асаблівасці афарбоўкі ніжняга боку задніх крылаў, дзе знаходзіцца толькі адзін шэраг чорных кропак, у адрозненне ад блізкароднасных відаў, якія маюць двайны шэраг плям.

    Апісанне

    Даўжыня пярэдняга крыла імага — 21 — 31 мм. Верхні бок крылаў чорна-буры, у самца з блакітным адлівам, у самкі буры без адліву.

    Арэал

    Распаўсюджаны ў Паўднёвай Еўропе, Паўднёвай Францыі і ў адзіных вядомых пунктах у Брэтані і Нармандыі на паўночна-захадзе краіны, Паўднёвай Германіі, Аўстрыі, Славакіі, Венгрыі, Румыніі, на Балканскім паўвостраве, у Малой Азіі, на Каўказе, у Закаўказзе, Крыму, Іране і Афганістане.

    Не знойдзена на Балеарскіх астравах, Крыце, у Польшчы, у цэнтры і на поўдні Пірэнэйскага паўвострава. У Чэхіі (паўночная мяжа гістарычнага арэала) лічыцца вымерлым — пасля 1942 года не адзначаўся[2].

    Спосаб жыцця

    Месцапражыванні

    Паляны, дарогі ў змешаных і лісцяных лясах. Даліны рэк і ручаёў, зараснікі кустоў, узлескі і паляны сярод разрэджаных лісцяных лясоў. У горы падымаецца да вышыні 2000 м над узр. м., дзе сустракаецца па ўзлесках.[3].

    Час лёту

    Развіваецца ў адным пакаленні. Час лёту з сярэдзіны чэрвеня па пачатак жніўня, верасень

    Кармавыя расліны

    Бружмель (Lonicera), у асаблівасці Lonicera xylosteum, капрыфоль (Lonicera caprifolium)[4], бружмель павойны (Lonicera periclymenum), Lonicera etrusca, Lonicera implexa, бружмель альпійскі (Lonicera alpigena) і Lonicera nummulariifolia[3].

    Біялогія

    Матылі часта харчуюцца на буйных суквеццях парасонавых раслін, сядзяць на галінках кустоў, ствалах дрэў. Нярэдка нізка плануюць над схіламі пагоркаў, затым рэзка ўзнімаюцца і прысаджваюцца на суквецці раслін.

    Падобныя віды ў Еўропе

    Заўвагі па ахове

    Уключаны ў Чырвоную кнігу Германіі ў 1992 годзе[5].

    Зноскі

    1. ↑ Limenitis reducta Staudinger 1901. Fauna Europaea, Version 1.3, 19.04.2007.
    2. ↑ Mapování a ochrana motýlů České republiky — Limenitis reducta
    3. 1 2 Том Толман, Ричард Левингтон, Die Tagfalter Europas und Nordwestafrikas, страница 140f (Stuttgart: Franckh-Kosmos Verlags-GmbH & Co, 1998, ISBN 3-440-07573-7).
    4. ↑ Гюнтер Эберт, Die Schmetterlinge Baden Württembergs, 1 том, Tagfalter I. (Stuttgart: Ulmer Verlag, 1993, ISBN 3-8001-3451-9).
    5. ↑ Bundesamt für Naturschutz (Hrsg.): Rote Liste gefährdeter Tiere Deutschlands. Landwirtschaftsverlag, Münster 1998, ISBN 978-3-89624-110-8

    Спасылкі

    Тэмы гэтай старонкі (4):
    Катэгорыя·Насякомыя Еўразіі
    Катэгорыя·Біялагічныя артыкулы без ITIS
    Катэгорыя·Німфаліды
    Катэгорыя·Жывёлы паводле алфавіта