IGN — англамоўны навінавы і інфармацыйны вэб-сайт, які асвятляе тэматыку камп’ютарных гульняў. IGN, а таксама GameSpy, Rotten Tomatoes і GIGA, уваходзяць у карпарацыю IGN Entertainment.
Асноўны сайт уключае некалькі спецыялізаваных рэсурсаў пра камп’ютарныя гульні, гульні для гульнявых прыставак Nintendo GameCube, Wii, Nintendo DS, Game Boy, Xbox, Xbox 360, PlayStation 2, PlayStation 3, PSP, N-Gage, PlayStation, Nintendo 64, Dreamcast, PC і Macintosh. Прыводзяцца чыт-коды, разнастайныя FAQ і праходжанні гульняў.
На сайце функцыянуюць тэматычныя раздзелы, прысвечаныя фільмам, DVD-прадукцыі, музыцы, коміксам, спорту, анімэ, аўтамабілям і тэлебачанню.