wd wp Пошук:
    ⬜

    PlayStation 2

    PlayStation 2 (яп.: プレイステーション2) — другая гульнявая прыстаўка, выпушчана кампаніяй Sony, спадкаемніца PlayStation і папярэдніца PlayStation 3. Пра пачатак распрацоўкі было абвешчана ў сакавіку 1999 года, продаж кансолі ў Японіі распачалася 4 сакавіка 2000 года, у Паўночнай Амерыцы — 26 кастрычнікa 2000 года і ў Еўропе — 24 лістапада 2000 года.

    PS2 — гульнявая прыстаўка шостага пакалення, якая стала самай папулярнай гульнявой прыстаўкай ў гісторыі відэагульняў. Па стане на 2011 год у свеце прададзена больш за 154 мільёнаў экземпляраў PS2. З пачатку 2013 года вытворчасць спынена[1].

    Тэхнічныя характарыстыкі

    Кансоль можна ўсталёўваць як вертыкальна, так і гарызантальна; для вертыкальнага становішча выпускаецца спецыяльная падстаўка. Прыстаўка мае 64-разрадны цэнтральны працэсар Emotion Engine (MIPS IV) з тактавай частатой 294,912 МГц. Аб’ём АЗП складае 32 МБ RDRAM, відэапамяці — 4 МБ. Графічны працэсар Graphics Synthesizer з частатой 147 МГц забяспечвае малюнак дазволам ад 320х240 до 1920х1080i.

    PlayStation 2 мае два USB-парты і порт IEEE 1394, 2 раздымы для геймпадаў, 2 слоты карт памяці, камбінаваны аўдыё/відэавыхад, лічбавай аптычны выхад. Жорсткі дыск можа быць усталяваны ў адсек пашырэння на задняй панэлі кансолі.

    У PlayStation 2 маюцца два раздыма для падлучэння геймпадаў, для падключэнне дадатковых след дакупляць спецыяльны кантролер. PS2 здольная працаваць з геймпадам першай PlayStation[2].

    Магчымасці

    PlayStation 2 запускае відэагульні на CD-ROM і DVD-ROM. Акрамя таго, кансоль можа прайграваць аўдыё CD і фільмы на DVD, а таксама сумяшчальная з першай PlayStation. PS2 падтрымлівае карты памяці PlayStation і кантралёры, але пры гэтым карты памяці PS1 працуюць толькі з гульнямі для PS1, а кантралёры падтрымліваюць не ўсе функцыі, прадугледжаныя ў гульнях для PS2.

    Пасля ўстаноўкі сеткавай карты некаторыя гульні для PlayStation 2 адкрываецца магчымасць шматкарыстальніцкай гульні праз інтэрнэт у гульнях, дзе гэта прадугледжана. Замест адзінага сэрвісу з сістэмай аплаты па падпісцы, сэрвісы для шматкарыстальніцкіх гульняў PlayStation 2 прадастаўляюцца выдаўцамі.

    Гульні

    Для PlayStation 2 выйшла 2501 гульня, з іх 18 сталі бэстсэлерамі, прададзена больш 5 млн. копій[3]:

    Зноскі

    1. ↑ PlayStation 2 manufacture ends after 12 years (нявызн.). Theguardian (4 січня 2013).
    2. ↑ Console Specs (нявызн.). Angelfire.
    3. ↑ PlayStation 2 - VGChartz (нявызн.). www.vgchartz.com. Праверана 3 красавіка 2017.

    Спасылкі

    Тэмы гэтай старонкі (4):
    Катэгорыя·Гульнявыя прыстаўкі
    Катэгорыя·DVD
    Катэгорыя·Sony
    Катэгорыя·Старонкі з няправільным сінтаксісам спасылак на крыніцы