Dysphania schraderiana — від раслін сямейства Аксамітнікавыя (Amaranthaceae), распаўсюджаны ў Афрыцы і на Аравійскім паўвостраве; натуралізаваны ў Еўропе.
Аднагадовая травяністая расліна 20-130 см вышынёй. Галоўнае сцябло простае або з невялікай колькасцю рэдкіх бакавых галін, асабліва ля асновы. Расліна зялёная, часам з чырвоным адценнем, коратка залозістая і апушаная паўсюдна, моцна араматычная. Ніжняе і сярэдняе лісце ад эліптычнага да прадаўгаватага ў контуры, пераважна 1-5(8) × 0.5-3(5) см, звычайна тупое на верхавіне, перыстараздзельнае на кожным боку на 3-5 вузкіх тупых дзелек, цэлых або з некалькімі тупымі зубцамі. Лісце ў суквецці падобнае на сцябловае, лопасцевае. Лісточкі калякветніка на спінцы пагоркава-кіляватае, пакрытае сядзячымі залозкамі. Кветкі зеленаватыя або з чырвоным адценнем, 0.5-1 мм у дыяметры. Каляплоднік тонка-плёнкавы, накрыты дробнымі сасцамі. Насенне чорнае ці амаль чорнае, некалькі глянцавае, 0.7-0.8 мм у дыяметры[4].
Распаўсюджаны ў Афрыцы і на Аравійскім паўвостраве; натуралізаваны ў Еўропе, Лесота, ПАР; інтрадукаваны ў Кітаі[4][5][6].