Bassia — род раслін сямейства Аксамітнікавыя (Amaranthaceae), які ўключае 25 відаў[4] аднагадовых травяністых раслін або шматгадовых паўкустоў. У дадзены род могуць уключацца многія віды з блізкага роду Прутняк (Kochia).
Род названы ў гонар італьянскага батаніка Фердынанда Басі(італ.) бел..
Віды роду распаўсюджаны ад заходняга Міжземнамор’я да Усходняй Азіі. Некаторыя аднагадовыя віды распаўсюдзіліся ў Паўночнай Амерыцы.
Растуць у сухіх стэпах і паўпустынях, у пустазельных месцах, сустракаюцца на саланчаках. Філагенетычныя даследаванні паказалі, што род узнік у міяцэне.
Сцеблы узыходзячыя або прамыя. Звычайна вегетатыўныя часткі расліны пакрытыя валасінкамі. Лістаразмяшчэнне супратыўнае. Ліставыя пласцінкі суцэльныя, простыя, вельмі зменлівыя па форме. Кветкі несамастойныя, як правіла, абодваполыя, сабраны ў коласападобныя суквецці.
Лік храмасом 2n = 18
Некаторыя віды роду маюць высокае ўтрыманне бялку і з’яўляюцца каштоўнымі элементамі пашавых угоддзяў. Асобныя віды могуць высявацца з мэтай аднаўлення пашы.
Некаторыя віды, напрыклад Bassia scoparia, вырошчваюць у якасці дэкаратыўнай і тэхнічнай расліны.
Род складае 25 відаў: