BMW E90/91/92/93BMW E90/91/92/93 на Вікісховішчы
Агульныя даныя
Вытворца: | Bayerische Motoren Werke AG |
Выпуск: | 2005—2013 |
Зборка: | ![]() ![]() ![]() ![]() ![]() ![]() ![]() ![]() |
Тып(ы) кузавы: | 4‑дзв. седан (5‑месн.) (Е90) 5‑дзв. універсал (5‑месн.) (Е91) 2‑дзв. купэ (4‑месн.) (Е92) 2‑дзв. кабрыялет (4‑месн.) (Е93) |
Даўжыня: | седан: 4520 мм універсал: 4520 мм купэ/кабрыялет/M3: 4580 мм |
Шырыня: | седан/універсал: 1817 мм/1817 мм купэ/кабрыялет: 1785/1785 мм M3: 1780 мм |
Вышыня: | седан: 1420 мм універсал: 1410 мм купэ/кабрыялет: 1370 мм M3: 1360 мм |
Колавая база: | 2760 мм |
Папярэднік |
Пераемнік |
Звязаныя: | BMW M3, BMW X3 |
Падобныя мадэлі: | Audi A4, Mercedes-Benz C-клас, Lexus IS |
Сегмент: | D-сегмент |
Аб'ём бака: | 63 л |
Дызайнер: | Ёджы Нагашыма(англ.) бел. (седан)[1] Марк Мішэль Маркефка (Coupé, кабрыялет)[2] Крыстафер Нордман (універсал) |
BMW E90 — аўтамабільная платформа, на якой пабудавана пятае пакаленне 3-й серыі BMW.
Афіцыйна, серыйная вытворчасць Е90 пачалася ў 2005 годзе, змяніўшы папярэднюю мадэль E46. Універсал (E91), купэ (E92) і кабрыялет (E93) былі прадстаўлены ў канцы 2006 года. У 2007 стартавалі продажы BMW M3 з кузавамі седан і купэ, а ў студзені 2008 з’явіўся M3 кабрыялет.
Па параўнанні з папярэднікам (E46), E90 павялічыўся ў памерах — вырас у даўжыню на 8 см да 4,55 метра і ў шырыню на 3 см. Колавая база павялічылася на 3,5 см. Прыкметна змяніўся і дызайн BMW 3 серыі.
Рухавікі:
З усімі рухавікамі абсталёўваліся 6-ступеньчатыя механічная або аўтаматычная каробкі перадач. Меў прывад як на заднія колы так і поўны прывад xDrive.
Для седана BMW E90 былі даступныя эксклюзіўныя пакеты Lifestyle, Sport, Exclusive Edition і M Sport Package.
Пасля мадэрнізацыі ў канцы 2008 года змяніліся люстэркі, бамперы, крышка багажніка, заднія ліхтары сталі L-падобнай формы. Усе рухавікі былі абсталяваныя непасрэдным упырскам паліва, а іх магутнасць была павялічана.
Універсал мае ўзмоцненую ў параўнанні з седанам заднюю падвеску. Аб’ём багажніка пры складзеных задніх сядзеннях складае 1385 л.
Аўтамабіль прайшоў тэст Euro NCAP у 2005 годзе:
Вынікі тэсту Euro NCAP, 2005[3] | ||
---|---|---|
![]() |
![]() |
35 |
![]() |
![]() ![]() ![]() ![]() ![]() |
39 |
![]() |
![]() ![]() ![]() ![]() |
4 |
Пратэставаны аўтамабіль — BMW 320d |
Усяго за перыяд з сакавіка 2005 па снежань 2009 года было выраблена 2 147 247 аўтамабіляў. У тым ліку 1 341 739 седанаў, 412 723 універсалы, 245 777 купэ і 146 308 кабрыялетаў.
M3 GT2 — мадыфікацыя гоначнага аўтамабіля для ўдзелу ў гонках серыі Ле-Ман.
У 2012 годзе BMW вярнулася да ўдзелу ў серыі DTM(ням.) бел.[4]. Традыцыйна аўтамабілі DTM не маюць агульнага з серыйнымі аўтамабілямі, будуюцца на аснове прасторавага каркаса і толькі сілуэтам нагадваюць серыйныя аўтамабілі — знешні выгляд пабудаванага прататыпа быў прыведзены да падабенства з купэ M3 (E92).
Тэхнічныя характарыстыкі BMW M3 DTM[5] | |
---|---|
Даўжыня, мм | 4775 (без уліку задняга крыла) |
Шырыня, мм | 1950 |
Вышыня, мм | ~1200 (у залежнасці ад налад) |
Кузаў | вуглепластыкавы манакок на аснове сталёвага прасторавага каркаса |
Рухавік | атмасферны, 8-цыліндравы, V-падобны |
Аб'ём, см³ | 4000 |
Магутнасць, к.с. | ~480 |
Каробка перадач | 6-ступеністая, секвентальная |
Макс. хуткасць, км/г | ~300 |
Аўтамабілі BMW M3 DTM (E92) удзельнічалі ў сезонах 2012 і 2013 гадоў. У 2012 годзе Бруна Спэнглер(англ.) бел. выйграў чэпіёнскі тытул, а BMW атрымала перамогу ў заліку вытворцаў. У гонар перамогі, абмежаванай серыяй была выраблена спецыяльная дарожная версія купэ M3 — BMW M3 DTM Champion Edition. Зроблена 54 адзінкі[6][7].
У 2014 годзе замененыя на BMW M4 DTM.