BMW 4BMW 4 на Вікісховішчы
Агульныя даныя
Вытворца: | Bayerische Motoren Werke AG |
Выпуск: | 2013—цяперашні час |
Зборка: | ![]() |
Тып(ы) кузавы: | F32 2‑дзв. купэ (4‑месн.) F33 2‑дзв. кабрыялет (4‑месн.) F36 4‑дзв. купэ (4‑месн.) |
Даўжыня: | 4638 мм |
Шырыня: | 1826 мм |
Вышыня: | 1362 мм |
Клірэнс: | 130 мм |
Колавая база: | 2810 мм |
Каляіна пярэдняя: | 1545 мм |
Каляіна задняя: | 1594 мм |
Маса: | 1470 кг (428i) 1585 кг (435i) 1465 кг (420d) |
Поўная маса: | 1990 кг (428i) 2045 кг (435i) 1985 кг (420d) |
Папярэднік |
Звязаныя: | BMW F30 |
Падобныя мадэлі: | Audi A5, Cadillac ATS, Lexus IS |
Сегмент: | D-сегмент |
Грузападымальнасць: | 520 кг |
Аб'ём бака: | 60 л |
Дызайнер: | Крыстафер Вэйл |
BMW 4 — серыя кампактных прэстыжных аўтамабіляў BMW, выпуск якіх пачаўся ў ліпені 2013 года. Серыя ўяўляе сабой кузавы купэ і кабрыялет, якія аддзяліліся ад BMW 3 серыі. Акрамя звычайных аўтамабіляў, з 2014 года выпускаецца таксама спартыўная версія BMW M4. Папярэднікам з’яўляецца BMW E92/E93, якія адносіліся да BMW 3 серыі.
Асноўны артыкул: BMW F32
Жаданне вылучыць купэ сярэдняга класа ў асобную серыю BMW выказала яшчэ ў 2011 годзе[1]. Тады ж была абвешчаная дата з’яўлення (2013 год) і тыпы кузаваў. Праз год, у ліпені, журналістам удалося засняць тэсціруемую замаскіраваную версію M4[2]. У пачатку 2013 года, на Паўночнаамерыканскім аўтасалоне ў Дэтройце быў паказаны канцэпт-кар аўтамабіля. На Такійскім аўтасалоне быў паказаны канцэпт версіі M4, а таксама версія кабрыялет.
Затым, на Франкфурцкім аўтасалоне была паказана канчатковая версія[3]. У сярэдзіне 2013 года пачаўся выпуск звычайнай версіі купэ. У снежні, спартыўная версія была рассакрэчаная: сталі вядомыя знешнасць аўтамабіля і рухавік[4]. Афіцыйна прадстаўлена яна была на Паўночнаамерыканскім аўтасалоне 2014 года. Версія Gran Coupe была прадстаўлена ў лютым 2014 года[5].
4 серыя пабудавана на базе новага пакалення BMW 3 серыі (нягледзячы на тое, што ў іх няма ні адной агульнай кузаўны панэлі[6]).
Для аўтамабіляў даступна некалькі варыянтаў 2- і 3-літровых бензінавых і дызельных рухавікоў канфігурацыі l4 і l6 з заднім або поўным прывадам, а таксама з выбарам 6-ступеньчатай механічнай ці 8-ступеньчатай аўтаматычнай каробкі перадач.
Асноўны артыкул: BMW G22 1 ліпеня 2020 на заводзе ў Дзінгольфінгу пачалася вытворчасць другога пакалення BMW 4 серыі[7].