У Вікіпедыі ёсць артыкулы пра іншых асоб з прозвішчам Меер. Юліус Лотар фон Меер (ням.: Julius Lothar von Meyer; 19 жніўня 1830, Фарэль — 11 красавіка 1895, Цюбінген) — нямецкі хімік, замежны член-карэспандэнт Пецярбургскай акадэміі навук з 1890 года. Разам з Дз. І.Мендзялеевым лічыцца стваральнікам перыядычнай сістэмы элементаў.
Скончыў Вюрцбургскі ўніверсітэт (доктар медыцыны, 1854). Вывучаў натуральныя навукі ва ўніверсітэтах Гайдэльберга (дзе працаваў у лабараторыі Р. Бунзена), Кёнігсберга і Брэслаў (доктар філасофіі, 1858). З 1859 выкладаў ва ўніверсітэце Брэслаў, у 1866—1868 гадах у Лясной акадэміі ў Нейштат-Эбервальдзе. У 1868—1876 гадах прафесар ва ўніверсітэце Карлсруэ, з 1876 ў Цюбінгенскім універсітэце. У 1860 годзе прыняў удзел у Міжнародным кангрэсе хімікаў у Карлсруэ, на якім абмяркоўваліся вызначэнні асноўных паняццяў хіміі.