Карлсруэ (ням.: Karlsruhe) — горад у Германіі, у зямлі Бадэн-Вюртэмберг, размешчаны ў наваколлях ракі Рэйн недалёка ад французска-германскай мяжы.
Карлсруэ з’яўляецца другім па колькасці насельніцтва горадам зямлі Бадэн-Вюртэмберг і 21-м у Германіі.
У «рэзідэнцыі права», як часам называюць Карлсруэ, размешчаны Федэральны канстытуцыйны суд, Федэральны суд і Генеральная пракуратура Германіі, а таксама шматлікія федэральныя і зямельныя ведамствы. У горадзе пражывае вялікая колькасць чыноўнікаў і дзяржслужачых.