Шлезвіг-Гольштэйн (ням.: Schleswig-Holstein) — федэральная зямля ФРГ, размешчаная на поўначы краіны. Сталіца — горад Кіль. Займаючы плошчу 15 761,4 км², Шлезвіг-Гольштэйн з’яўляецца адной з самых маленькіх земляў у краіне. На поўначы мяжуе з Даніяй, на поўдні — з вольным горадам Гамбургам, а таксама з землямі Мекленбург-Пярэдняя Памеранія і Ніжняя Саксонія.
Шлезвіг-Гольштэйн займае поўдзень паўвострава Ютландыя і мяжуе з Даніяй на поўначы, Паўночным морам на захадзе, Балтыйскім морам і федэральнай зямлёй Мекленбург — Пярэдняй Памераніяй на ўсходзе і землямі Ніжняя Саксонія і Гамбург на поўдні.
Асноўныя галіны гаспадаркі — лагістыка (марскія і шашэйныя транспартныя перавозкі), сельская гаспадарка, рыбная і марская здабыча.
У склад федэральнай зямлі ўваходзяць 11 раёнаў і 4 гарады зямельнага падначалення.