Герман Клаус Гуга Вейль (ням.: Hermann Klaus Hugo Weyl; 9 лістапада 1885, Эльмсхорн, Шлезвіг-Гольштэйн, Германская імперыя — 8 снежня 1955, Цюрых) — нямецкі матэматык.
Скончыў Гётынгенскі ўніверсітэт (1908). Вучань Д. Гільберта. У 1913—1930 гадах — прафесар Вышэйшай тэхнічнай школы Цюрыха, у 1930—1933 гадах — прафесар Гётынгенскага ўніверсітэта, у 1933 пасля прыходу да ўлады фашыстаў эміграваў у ЗША, працаваў у Прынстане ў Інстытуце перспектыўных даследаванняў (Institute for Advanced Study).