Чарвінка — рака ў Сенненскім і Чашніцкім раёнах Віцебскай вобласці Беларусі, правы прыток ракі Усвейка (басейн Заходняй Дзвіны).
Даўжыня ракі 23 км, плошча вадазбору 98 км². Сярэдні нахіл воднай паверхні 1,9 м/км. Пачынаецца каля вёскі Старая Беліца Сенненскага раёна, упадае ва Усвейку за 1,5 км у напрамку на паўднёвы захад ад вёскі Баркі Чашніцкага раёна. Вадазбор у межах Аршанскага ўзвышша. Рэчышча Чарвінкі ў верхнім і ніжнім цячэнні на працягу 14,3 км каналізаванае.