«Чараўніцы» — беларускі жаночы музычны калектыў (ВІА).
Утвораны ў 1971 годзе Генадзем Летынскім на базе гродненскага ДК Тэкстыльшчыкаў. Удзельніцы групы — выпускніцы Гродзенскага музычнага вучылішча.
З 1974 года прыняты ў штат Белдзяржфілармоніі.
Рэпертуар складаўся з беларускіх народных песень, сучаснай папулярнай музыкі. Удзельніцы ВІА адрозніваліся выдатнымі вакальнымі дадзенымі, валоданнем харэаграфіяй і многімі музычнымі інструментамі.
Лаўрэат 6-га Усесаюзнага конкурсу артыстаў эстрады 1979 года. Падчас выступу выключыліся абедзве гітарныя калонкі. Музыкі пад клавішы і ударныя скончылі кампазіцыю, а дудкі выканалі свой пройгрыш. Усё гэта спалучалася з танцам. Журы, пад старшынствам Аркадзя Райкіна, апладзіравала стоячы, а Іосіф Кабзон сказаў: «Вы нас проста зачаравалі».
«Чараўніцы» паспяхова гастралявалі не толькі ў Беларусі, але і ў многіх гарадах СССР, а таксама пабывалі ў Венгрыі і ГДР, выступалі перад салдатамі ў Афганістане.
У 1989 годзе «Чараўніцы» адзіны беларускі калектыў, выбраны для ўдзелу ў культурнай праграме 13-га Сусветнага фестывалю моладзі і студэнтаў, які праходзіў у Пхеньяне. Пад акампанемент маскоўскага аркестра група выканала папуры на джазавыя тэмы Глена Мілера. Неўзабаве ў Маскве ў канцэртнай зале «Расія» з велізарным аншлагам прайшоў сольны канцэрт «Чараўніц».
У 1991 годзе калектыў спыніў сваё існаванне. За гады сваёй дзейнасці склад неаднаразова мяняўся.
Упершыню пасля доўгага перапынку «Чараўніцы» сабраліся і выступілі ў 2011 годзе, на сольным канцэрце Надзеі Мікуліч. З гэтага моманту было вырашана аднавіць творчую дзейнасць. Сёння калектыў запісвае новыя песні, выступае з канцэртамі, здымае відэакліпы.
З ансамблем супрацоўнічалі такія вядомыя кампазітары, як Юрый Семяняка, Ігар Лучанок, Эдуард Ханок, Уладзімір Мулявін, Яўген Глебаў, Алег Елісеенкаў. Фірмай «Мелодыя» было выпушчана некалькі грампласцінак.
Фірмай Мелодыя было выпушчана некалькі грампласцінак:
Першы бок:
Другі бок:
Першы бок:
Музыка (Э. Зарыцкі — У. Карызна, апрацоўка А. Бурнштейна)
Неделька (руская народная песня, апрацоўка А. Архіпава)
Такі сон (Э.Зарыцкі — Д.Бядуля)
Пах чабаровы (У. Буднік — К. Кірыенка)