wd wp Пошук: ⬜

Чараўніцы

«Чараўніцы» — беларускі жаночы музычны калектыў (ВІА).

Утвораны ў 1971 годзе Генадзем Летынскім на базе гродненскага ДК Тэкстыльшчыкаў. Удзельніцы групы — выпускніцы Гродзенскага музычнага вучылішча.

З 1974 года прыняты ў штат Белдзяржфілармоніі.

Рэпертуар складаўся з беларускіх народных песень, сучаснай папулярнай музыкі. Удзельніцы ВІА адрозніваліся выдатнымі вакальнымі дадзенымі, валоданнем харэаграфіяй і многімі музычнымі інструментамі.

Лаўрэат 6-га Усесаюзнага конкурсу артыстаў эстрады 1979 года. Падчас выступу выключыліся абедзве гітарныя калонкі. Музыкі пад клавішы і ударныя скончылі кампазіцыю, а дудкі выканалі свой пройгрыш. Усё гэта спалучалася з танцам. Журы, пад старшынствам Аркадзя Райкіна, апладзіравала стоячы, а Іосіф Кабзон сказаў: «Вы нас проста зачаравалі».

«Чараўніцы» паспяхова гастралявалі не толькі ў Беларусі, але і ў многіх гарадах СССР, а таксама пабывалі ў Венгрыі і ГДР, выступалі перад салдатамі ў Афганістане.

У 1989 годзе «Чараўніцы» адзіны беларускі калектыў, выбраны для ўдзелу ў культурнай праграме 13-га Сусветнага фестывалю моладзі і студэнтаў, які праходзіў у Пхеньяне. Пад акампанемент маскоўскага аркестра група выканала папуры на джазавыя тэмы Глена Мілера. Неўзабаве ў Маскве ў канцэртнай зале «Расія» з велізарным аншлагам прайшоў сольны канцэрт «Чараўніц».

У 1991 годзе калектыў спыніў сваё існаванне. За гады сваёй дзейнасці склад неаднаразова мяняўся.

Упершыню пасля доўгага перапынку «Чараўніцы» сабраліся і выступілі ў 2011 годзе, на сольным канцэрце Надзеі Мікуліч. З гэтага моманту было вырашана аднавіць творчую дзейнасць. Сёння калектыў запісвае новыя песні, выступае з канцэртамі, здымае відэакліпы.

З ансамблем супрацоўнічалі такія вядомыя кампазітары, як Юрый Семяняка, Ігар Лучанок, Эдуард Ханок, Уладзімір Мулявін, Яўген Глебаў, Алег Елісеенкаў. Фірмай «Мелодыя» было выпушчана некалькі грампласцінак.

Склад

Бягучы склад

• Людміла Навумовіч, вакал, дырэктар (з 1980)
• Вольга Макушынская, вакал, музычны кіраўнік (з 1986)
• Паліна Базылева, вакал (з 2012)
• Ганна Церахава, саксафон (з 2012)
• Людміла Пасмурцава, труба, шэйкер, мастацкі кіраўнік (з 1980)
• Святлана Рагула, саксафон (з 1986)

Дыскаграфія

Фірмай Мелодыя было выпушчана некалькі грампласцінак:

• 1979, фірма «Мелодыя», Рыжскі завод, С 60-11063-64[1]

Першы бок:

1. Я зачарована табой (У. Буднік — У. Някляеў)
2. Не за вочы чорныя (Ю. Семяняка — А. Русак)
3. Ты ўспомні ўсё (І. Лучанок — А. Куляшоў)
4. Я чакаю цябе (У. Буднік — В. Пятроў)

Другі бок:

1. Ручаёчак, ручаёк (Б. Фёдараў — Н. Тулупова)
2. Я не магу пра Вас забыцца (І. Лучанок — П. Броўка)
3. Пацалунак (І. Лучанок — У. Карызна)
4. На новае лета (беларуская нар. песня)
5. Удзень, уночы (Б. Ульвеус, Б. Андэрсан — рускі тэкст В.Жукава)

• 1982, фірма «Мелодыя», Ленінградскі завод, С62-18751-004, працягласць: 00:12:42 (міньён)

Першы бок:

1. Музыка (Э. Зарыцкі — У. Карызна, апрацоўка А. Бурнштейна)

2. Неделька (руская народная песня, апрацоўка А. Архіпава)

3. Такі сон (Э.Зарыцкі — Д.Бядуля)

4. Пах чабаровы (У. Буднік — К. Кірыенка)

Зноскі

1. ↑ Дискография ВИА «Чаровницы»

Літаратура

• Д.П. «ЧАРАЎНІЦЫ» // Энцыклапедыя беларускай папулярнай музыкі (бел.)  / уклад. Дз. Падбярэзскі і інш. — Мінск: Зміцер Колас, 2008. — С. 329–330. — 368 с. — 2 000 экз. — ISBN 978-985-6783-42-8.

Спасылкі

• Удзельніца вакальна-інструментальнага ансамбля «Чараўніцы» з гітарай

Тэмы гэтай старонкі (5):
Катэгорыя·Артыкулы пра музычныя калектывы без ілюстрацый
Катэгорыя·Музычныя калектывы паводле алфавіта
Катэгорыя·Поп-гурты Беларусі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Шаблон «Вонкавыя спасылкі» пусты