Цісдайлія голасцябловая[3] (Teesdalia nudicaulis) — від кветкавых раслін роду Цісдайлія (Teesdalia) сямейства Капуставыя (Brassicaceae).
Аднагадовая травяністая расліна 5—15 см вышынёй. Лісце ў разетцы, лірападобна-рассечанае, з тупой няцотнай часціцай. Кветкавых стрэлак некалькі, зусім бязлістых або з 1—2 амаль лінейным лісцем. Пялёсткі белыя, 1,5-5 мм даўжынёй. Стручкі 3—3,5 мм даўжынёй, круглява-сэрцападобныя, з чоўнападобнымі, кіляватымі створкамі. 2n = 36.
Распаўсюджаны ў Еўропе (акрамя усходу), Марока і на Мадэйры; інтрадукаваны ў Чылі, Брытанскай Калумбіі, на атлантычным і ціхаакіянскім ўзбярэжжы ЗША[4][5][6].
Ва Украіне від расце на пясчаных месцах, вельмі рэдкі. Занесены на ваколіцах Ковеля і Вінніцы.