wd wp Пошук: ⬜

Хуахінэ

.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}

Хуахінэ́ (фр.: Huahine) — востраў у групе астравоў Таварыства. Плошча — 75 км². Насельніцтва — 3120 чал. (2017 г.).

Геаграфія

Хуахінэ месціцца за 170 км на паўночны захад ад Папеэтэ, адміністрацыйнага цэнтра Французскай Палінезіі. З’яўляецца паверхняй падводнага шчытавога вулкана, які ўтварыўся 2,65 — 2,52 млн гадоў таму. Хуахінэ фактычна складаецца з 2 астравоў, Хуахінэ-Нуі (Вялікі Хуахінэ) і Хуахінэ-Іці (Малы Хуахінэ), якія маюць адзіны базальтавы фундамент. Вузкі праліў паміж імі амаль знікае падчас адліваў. У нашы дні астравы злучае мост. Найвышэйшы пункт — гара Туры (669 м) на востраве Хуахінэ-Нуі.

Хуахінэ атачае працяглы каралавы рыф. Часам на ім сустракаюцца невялікія каралавыя астраўкі моту. Найбуйнейшы з іх Моту-Марымаёра знаходзіцца каля ўсходнга берага Хуахінэ-Іці. Ён утварыўся некалькі стагоддзяў таму ў выніку вырубкі лесу на схілах узвышшаў і наступнай эрозіі. Дажджы змывалі глебу з узвышшаў у акіян, але яна затрымоўвалася рыфам. У выніку складзеная змывамі паверхня Моту-Марымаёра адрозніваецца вялікай урадлівасцю. Астравок шчыльна заселены, на ім вырошчаюць гародніну для камерцыйных патрэб.

На поўначы Хуахінэ-Нуі вылучаецца замкнёная лагуна Фаўна-Нуі (375 га) з саланаватай вадой.

Клімат трапічны вільготны. Яго асаблівасці вызначаюцца сезоннымі пасатамі. Найбольш спякотны і вільготны месяц — люты, калі сярэднядзённая тэмпература вагаецца паміж +25,7°C і +26,7°C, а колькасць ападкаў дасягае 185 мм. Сярэднегадавая колькасць ападкаў — 1109 мм.

Прырода

Прырода Хуахінэ значна зменена чалавекам, тым не меней ён пакрыты гаямі дрэў, сярод якіх найчасцей сустракаецца какосавая пальма. Тут шмат птушак. Навакольныя воды населены рэдкімі пародамі рыбін.

Гісторыя

Хуахінэ быў населены ў IX ст. выхадцамі з Таіці. На ім захаваліся шматлікія артэфакты перыяду высокага сярэднявечча. У XVII ст. дынастыя правадыроў Хаўмаарэрэ ўсталявала кантроль над абодвума астравамі. У 1769 г., калі Хуахінэ быў адкрыты брытанскай экспедыцыяй на чале Джэймса Кука, знакаміты мараплавец пазнаёміўся з Тэхаапапай, апошняй прадстаўніцай Хаўмаарэрэ. Дзеці ад яе шлюбу з правадыром з Раіятэа склалі асобную дынастыю кіраўнікоў Таматоа.

У 1847 г. пасля няўдалай спробы ўсталяваць французскі пратэктарат было абвешчана незалежнае Каралеўства Хуахінэ. Аднак у 1850 г. уладу ў ім захапіў правадыр Арыматэ Тэўрураі, заснавальнік новай дынастычнай лініі. У 1853 г. ён прыняў асабісты кодэкс законаў, які павінен быў умацаваць манархію. Аднак пры яго пераемніках Хуахінэ трапіў у эканамічную залежнасць ад Францыі. У 1888 г. быў усталяваны французскі пратэктарат. У 1895 г. Каралеўства было канчаткова ліквідавана і далучана да французскіх каланіяльных валоданняў.

Галерэя

Мост паміж Хуахінэ-Нуі і Хуахінэ-Іці
Пляж на Хуахінэ-Іці
Старажытны стадол у лагуне Фаўна-Нуі
Прыбыццё Дж. Кука на Хуахінэ
Каралеўская сям’я, каля 1890 г.

Спасылкі