ФК ДБК-Гомель
«ДБК-Гомель» — беларускі футбольны клуб з горада Гомель, прадстаўляе Гомельскі ДомаБудаўнічы Камбінат.
Гісторыя
Клуб быў заснаваны ў 2008 годзе і адразу выйграў Другую лігу. З 2009 года ўдзельнічаў у Першай лізе Беларусі. Клуб намагаўся выйсці ў Вышэйшую лігу, але здолеў толькі двойчы стаць бронзавым прызёрам у другім дывізіёне.
У Кубку Беларусі 2009/2010 зрабіў сенсацыю, дайшоўшы да паўфінала (у 1/8 былі абыграны землякі з Гомеля, а ў чвэрцьфінале будаўнікі пасля хатняга паражэння 0:2 ад мінскага «Дынама» ўзялі рэванш у гасцях — 3:1, і толькі ў паўфінале саступілі жодзінскаму «Тарпеда»). У 2010 фарм-клуб ДБК-2 прымаў удзел у Другой лізе.
Сезон 2011 клуб, аднак, скончыў толькі на 12 месцы ў Першай лізе, а ў 2012 з вялікай цяжкасцю захаваў месца ў Першай лізе. У лютым 2013 клуб спыніў сваё існаванне[1].
У красавіку 2016 года стала вядома аб аднаўленні клуба, які заявіўся ў Другую лігу[2][3]. Пры гэтым, у Другой лізе таксама пачаў выступленні самастойны клуб ДЮСШ-ДБК, складзены з выхаванцаў дзіцячай школы былога клуба. Аднак, 29 красавіка 2016 года, за дзень да першага матча, каманда знялася з турніру[4].
Дасягненні
- Пераможца Другой лігі чэмпіянату Беларусі: 2008
- Бронзавы прызёр Першай лігі чэмпіянату Беларусі (2): 2009, 2010
- Паўфіналіст Кубка Беларусі: 2010
Статыстыка выступленняў
Чэмпіянат і Кубак Беларусі
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2008 | Другая (Д3) | 1 | 30 | 23 | 5 | 2 | 67–17 | 74 | 1/32 фінала |  Выхад у Першую лігу |
| 2009 | Першая (Д2) | 3 | 26 | 13 | 9 | 4 | 34–18 | 48 | Паўфінал | |
| 2010 | Першая (Д2) | 3 | 30 | 17 | 7 | 6 | 52–26 | 58 | 1/8 фінала | |
| 2011 | Першая (Д2) | 12 | 30 | 8 | 10 | 12 | 28–34 | 34 | 1/16 фінала | |
| 2012 | Першая (Д2) | 14 | 28 | 1 | 5 | 22 | 9–62 | 8 | 1/16 фінала | Спыненне існавання |
Трэнеры
- Вячаслаў Акшаеў (2009—2010)
- Міхаіл Віктаравіч Ерамчук (2016)
Зноскі
- ↑ Гомельский ДСК исчез с футбольной карты страны
- ↑ ДСК-Гомель - возродился как «птица феникс»?(недаступная спасылка)
- ↑ Официально. Во второй лиге сыграют 14 команд
- ↑ Первая потеря! “ДСК-Гомель” накануне старта второй лиги снялся с турнира
Катэгорыя·Футбольныя клубы паводле алфавіта
Катэгорыя·Футбольныя клубы, заснаваныя ў 2008 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Былыя футбольныя клубы Беларусі
Катэгорыя·Вікіпедыя·Артыкулы з непрацоўнымі спасылкамі
Катэгорыя·ФК ДБК Гомель