Урэчнік Фрыса, Рдзест Фрыса[3][4] (Potamogeton friesii) — від шматгадовых водных травяністых раслін сямейства Урэчнікавыя (Potamogetonaceae).
Мнагалетнік 80-140 см даўжынёй. Кветканосы ў 2-6 разоў даўжэй, чым суквецці, ніткападобныя, дагары трохі патоўшчаныя. Суквецці рэдкія. Сцеблы злёгку пляскатыя. Лісце з 5 жылкамі (радзей 3-7). Пялёсткі косаэліптычныя, 1.5-2 мм даўжынёй, з кароткім прамым або адагнутым носікам[4].
Азія: Кітай — Унутраная Манголія, Казахстан, Таджыкістан, Расія. Еўропа: поўнач Расіі, Аўстрыя, Ліхтэнштэйн, Бельгія, Люксембург, Вялікабрытанія, Балгарыя, Беларусь, Чарнагорыя, Чэхія, Данія [у тым ліку Фарэрскія астравы], Эстонія, Фінляндыя, Францыя [у тым ліку Корсіка], Германія, Нідэрланды, Італія, Літва, Латвія, Малдова, Нарвегія, Польшча, Швецыя, Украіна. Паўночная Амерыка: Канада, поўнач ЗША.
Насяляе сажалкі, азёры, ручаі.