wd wp Пошук:

Ула Лёвен

Ула Маргарэта Лёвен (шведск.: Ulla Margareta Löfvén; нар. 29 мая 1951 года, Стура-Мальм, Катрынегольм, Сёдэрманланд, Швецыя) — шведскі палітык, сябра Сацыял-дэмакратычнай партыі, жонка прэм’ер-міністра Швецыі Стэфана Лёвена[1].

Біяграфія

Нарадзілася 29 мая 1951 года ў Стура-Мальме, камуна Катрынегольм, лен Сёдэрманланд[1].

У 1992 годзе падчас працы прадстаўніком мясцовага аддзялення ў прафсаюзе шведскай кампаніі «Hägglunds & Söner», Ула пазнаёмілася са зваршчыкам Стэфанам Лёвенам, які праз два гады быў абраны прадстаўніком гэтай прафсаюзнай групы ад заводу і абараняў правы працоўных на гэтым прадпрыемстве.

Нягледзячы на тое, што Ула была замужам і ў яе было двое дзяцей, праз некаторы час яна развялася са сваім мужам, і ў лістападзе 2003 года выйшла замуж за Лёвена. У пары няма сумесных дзяцей. Вядома, што дома яны дзеляць абавязкі пароўну, а Лёвен называе сваю жонку «каханнем усяго яго жыцця»[2][3].

На працягу некалькіх гадоў Ула працавала ў Стакгольмскім муніцыпалітэце. Да студзеня 2012 года, да таго як Стэфан Лёвен быў абраны старшынёй сацыял-дэмакратычнай партыі, Ула працавала ў адміністрацыі партыйнага раёна «S» у Стакгольме памочнікам сакратара партыі. Яна адказвала за сувязі з царквой[4].

Зноскі

  1. 1 2 Ulla Margareta Löfvén. Ratsit.se.
  2. Stefan och Ulla Löfven. Petterssonsblogg.se.
  3. Stefan Löfven: «Hon är mitt livs kärlek». Expressen
  4. Stefan Löfven avslöjar frun Ullas jobb-byte. Expressen
Тэмы гэтай старонкі (9):
Катэгорыя·Сацыял-дэмакраты Швецыі
Катэгорыя·Вікіпедыя·Біяграфіі сучаснікаў
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
Катэгорыя·Асобы
Катэгорыя·Нарадзіліся ў Швецыі
Катэгорыя·Палітыкі Швецыі
Катэгорыя·Нарадзіліся ў 1951 годзе
Катэгорыя·Нарадзіліся 29 мая