Уладзі́мір Наву́мавіч Лупе́йка (1917, Русаковічы, цяпер Пухавіцкі раён, Мінская вобласць — 2000, Мінск) — беларускі фатограф. Фотакарэспандэнт БЕЛТА і ТАСС. Найбольш вядомы здымкамі Беларусі перыяду Другой сусветнай вайны.
Нарадзіўся ў вёсцы Русаковічы Ігуменскага павета Мінскай губерні. Маці памерла ад тыфу ў 1918 годзе, бацьку забілі «белапалякі»[1]. Працаваў пастухом, праз беспрытульнасць патрапіў у дзіцячы дом у Барысаве. У дзіцячым доме Барысава адабраны ў полк Чырвонай Арміі ў якасці чальца аркестру. У войску зацікавіўся фатаграфіяй, пасля дэмабілізацыі фатографа заняў яго месца, выпускаў фотагазету.
Дэмабілізаваўся з Чырвонай Арміі ў 1936 годзе, прыехаў у Менск. У верасні 1936 года залічаны ў Беларускай тэлеграфнае агенцтва на пасаду фотакарэспандэнта. Перад вайной падрыхтаваў рэпартаж «Янка Купала на адпачынку» (Ляўкі)[2]. З 1939 года карэспандэнт БЕЛТА па Брэсцкай і Пінскай вобласці, жыве ў Брэсце[1].
Напад нацысцкай Германіі на СССР 22 ліпеня 1941 года сустрэў у Брэсце. Працуе ў савецкім падполлі. У пачатку 1942 года далучыўся да партызанскага атраду. Здымкі ваеннага перыяду перасылаў у ТАСС, пісаў зацемкі ў газету «Зара». Здымаў партызанскі парад у Мінску 16 ліпеня 1944 года.
Пасля вайны працягнуў працу ў тэлеграфным агенцтве. У 1954 годзе здымаў «падняцце цаліны» ў Кастанайскай вобласці, дзе працавала многа беларусаў. У 1981 годзе сышоў на пенсію.
Жонка — Людміла, дзве дачкі[3].