Артыкулу нестае спасылак на крыніцы. Змест мусіць быць правяральным або яго могуць выдаліць. Вы можаце адрэдагаваць артыкул, дадаць спасылкі на аўтарытэтныя крыніцы. |
У Вікіпедыі ёсць артыкулы пра іншых асоб з прозвішчам Гаўрыловіч.
Уладзімір Мікалаевіч Гаўрыловіч (нар. 30 жніўня 1967, Вятчын) — беларускі празаік і публіцыст. Заслужаны дзеяч культуры Рэспублікі Беларусь (2021)[1].
Скончыў філалагічны факультэт, аддзяленне журналістыкі Мінскага педінстытута імя А. М. Горкага. Працаваў настаўнікам беларускай мовы і літаратуры Вятчынскай сярэдняй школы, дырэктарам сярэдняй школы ў Бялёве Жыткавіцкага раёна, намеснікам дырэктара па вучэбна-выхаваўчай рабоце сярэдняй школы № 2 у Жыткавічах. На працягу 18 гадоў галоўны рэдактар жыткавіцкай раённай газеты «Новае Палессе», потым гомельскай гарадской «Гомельскія ведамасці». Таксама 7 гадоў працаваў уласным карэспандэнтам газеты «Беларускі Час» (газета Федэрацыі прафсаюзаў Беларусі).
Жыве ў Гомелі.
У снежні 2005 года абраны старшынёй Гомельскага абласнога аддзялення Саюза пісьменнікаў Беларусі.
Арганізатар літаратурных фестываляў «На зямлі Кірылы Тураўскага» і «Славянскія літаратурныя дажынкі».
Аўтар 30 кніг прозы, публіцыстыкі, п’ес. Асобныя творы перакладзеныя на рускую, украінскую, нямецкую і англійскую мовы