wd wp Пошук:

Уладзімір Васілевіч Пігулеўскі

У Вікіпедыі ёсць артыкулы пра іншых асоб з прозвішчам Пігулеўскі. Уладзімір Пігулеўскі (26 лютага (9 сакавіка) 1889, Гродна — 17 чэрвеня 1958) — беларускі нацыянальны дзеяч, пісьменнік, драматург.

Біяграфія

Скончыў Мінскую гімназію (1907). Вучыўся ў Пецярбургскім універсітэце, у ліпені 1912 года адлічаны за нявыплату.

З кастрычніка 1912 па верасень 1913 года праходзіў тэрміновую службу ў войску, прапаршчык запасу лёгкай артылерыі па Пецярбургскаму павету.

Удзельнік Першай сусветнай вайны. Прызваны з запасу 18 ліпеня 1914 ў 84-ю артылерыйскую брыгаду, мл. афіцэр 4-й батарэі. Праз год пераведзены ў 84-ю паркавую артылерыйскую брыгаду, афіцэр 2-га парку, падпаручнік. Служыў у 84-м артылерыйскім дывізіёне, паручнік. З чэрвеня па лістапад 1917 в.а. лётчыка-назіральніка артылерыйскага аддзялення 30-га карпуснога авіяцыйнага атрада, штабс-капітан.

У 1920—1921 гадах — дыпламатычны кур’ер урада БНР у Коўне.

З 1922 года жыў у Латвіі, выкладчык Дзвінскай беларускай гімназіі. У 1924—1925 гадах — дырэктар Люцынскай беларускай гімназіі. У 1925 годзе пасля сфабрыкаванага латвійскімі ўладамі працэсу Уладзімір Пігулеўскі быў пазбаўлены педагагічнай працы. Пераехаў у Рыгу, працаваў у Транзітным кааператыўным банку. У 1926 годзе ўдзельнічаў у Акадэмічнай канферэнцыі па рэформе беларускага правапісу (Мінск). У 1926—1934 гадах загадчык Беларускага аддзела пры Міністэрстве асветы Латвіі. Пасля дзяржаўнага перавароту ў Латвіі арыштаваны і сасланы ў Ліепайскі лагер (1935). Пасля вызвалення актыўна ўдзельнічаў у падпольным рэвалюцыйным руху, займаўся журналістыкай. У 1940—1941 гадах інспектар Міністэрства асветы Латвійскай ССР.

У Вялікую Айчынную вайну эвакуіраваўся ў Татарстан, працаваў там школьным інспектарам, выхавацелем ў дзіцячым доме.

Пасля вайны жыў у Рызе, выкладаў у Рыжскім мараходным вучылішчы, педагагічным інстытуце.

Памёр 17 чэрвеня 1958 года ў Рызе. Пахаваны ў Рызе на могілках Райніса.

Творчасць, даследчыцкая дзейнасць

Друкаваўся з 1924 года. Перакладаў на беларускую мову творы латышскіх і чэшскіх пісьменнікаў. Напісаў шэраг п’ес для школьнага тэатра («Хамуты», «У трамваі», «Вечар пад каляды», «Гідра»). Склаў чытанку для беларускіх школ у Латвіі «Наш край» (1928). На латышскую мову пераклаў камедыю Я. Купалы «Паўлінка» (пастаўлена ў 1949 Латвійскім тэатрам імя Я. Райніса). Алублікаваў у латышскім друку шмат артыкулаў пра беларускую літаратуру і тэатр, творчасць Я. Купалы і Я. Коласа.

Рукапісная спадчына (у т.л. неапублікаваныя творы) У. Пігулеўскага захоўваецца ў Аддзеле рэдкіх кніг і рукапісаў Цэнтральнай навуковай бібліятэкі АН Беларусі.

Ушанаванне памяці

Літаратура

Спасылкі

Тэмы гэтай старонкі (31):
Катэгорыя·Перакладчыкі на беларускую мову
Катэгорыя·Памерлі ў 1958 годзе
Катэгорыя·Кавалеры ордэна Святой Ганны 4 ступені
Катэгорыя·Узнагароджаныя Ганаровай граматай Прэзідыума Вярхоўнага Савета БССР
Катэгорыя·Кавалеры ордэна Святой Ганны
Катэгорыя·Кавалеры ордэна Святога Станіслава 2 ступені
Катэгорыя·Члены Саюза пісьменнікаў Беларусі
Катэгорыя·Пахаваныя на могілках Райніса
Катэгорыя·Выкладчыкі Дзвінскай дзяржаўнай беларускай гімназіі
Катэгорыя·Памерлі 17 чэрвеня
Катэгорыя·Нарадзіліся 10 сакавіка
Катэгорыя·Вязні канцэнтрацыйных лагераў
Катэгорыя·Пісьменнікі Латвіі
Катэгорыя·Пісьменнікі паводле алфавіта
Катэгорыя·Асобы
Катэгорыя·Кавалеры ордэна Святога Станіслава
Катэгорыя·Вікіпедыя·Спасылкі на Энцыклапедыю гісторыі Беларусі без нумароў старонак
Катэгорыя·Драматургі Латвіі
Катэгорыя·Выпускнікі Мінскай губернскай гімназіі
Катэгорыя·Перакладчыкі з беларускай мовы
Катэгорыя·Нарадзіліся ў 1889 годзе
Катэгорыя·Перакладчыкі з чэшскай мовы
Катэгорыя·Кавалеры ордэна Святой Ганны 3 ступені
Катэгорыя·Перакладчыкі з латышскай мовы
Катэгорыя·Памерлі ў Рызе
Катэгорыя·Нарадзіліся ў Гродне
Катэгорыя·Перакладчыкі на латышскую мову
Катэгорыя·Кавалеры ордэна Святога Станіслава 3 ступені
Катэгорыя·Вікіпедыя·Спасылкі на Энцыклапедыю гісторыі Беларусі без аўтара
Катэгорыя·Вікіпедыя·Спасылкі на Энцыклапедыю гісторыі Беларусі без назвы артыкула
Катэгорыя·Члены Саюза беларускіх пісьменнікаў