У Вікіпедыі ёсць артыкулы пра іншых асоб з прозвішчам Мікуліч.
Уладзі́мір Андрэ́евіч Міку́ліч (14 кастрычніка 1920 года, в. Чорная Сцежка, Смалявіцкая воласць[1], Барысаўскі павет, Мінская губерня — 17 студзеня 2000 года, г. Мінск) — партыйны і дзяржаўны дзеяч БССР.
Нарадзіўся ў сялянскай сям’і.
Працоўную дзейнасць пачаў рабочым у 1937 годзе.
З 1940 года — у Чырвонай Арміі. Удзельнічаў у Вялікай Айчыннай вайне.
У 1945—1948 гадах — на камсамольскай працы.
Завочна скончыў Рэспубліканскую партыйную школу пры ЦК КП(б)Б у 1950 годзе. У 1957 годзе скончыў ВПШ пры ЦК КПСС.
У 1950—53 — сакратар Мінскага абкама ЛКСМБ.
З 1953 года — сакратар, затым першы сакратар Мінскага РК КПБ.
З красавіка 1962 года — другі сакратар,
У 1963—77 — першы сакратар Брэсцкага абкама КП Беларусі.
У 1977—85 — першы сакратар Мінскага абкама КП Беларусі.
У 1985—90 — намеснік Старшыні Прэзідыума Вярхоўнага Савета БССР.
З 1990 года — персанальны пенсіянер саюзнага значэння.
Памёр 17 студзеня 2000 года на 80-м годзе жыцця.[2]
Дэлегат з’ездаў КПСС[3][4]. Член Цэнтральнай рэвізійнай камісіі КПСС (1966—1976), кандыдат у члены ЦК КПСС (1976—1981), член ЦК КПСС (1981—1986). На XXIV—XXVII з’ездах КПБ абіраўся членам ЦК Кампартыі Беларусі. Член Рэвізійнай камісіі ЦК КПБ (1956—1961).
Дэпутат Савета Саюза Вярхоўнага Савета СССР 7-11-га скліканняў (1966-1989) ад Мінскай вобласці[5]. Дэпутат Вярхоўнага Савета БССР 4-5-га скліканняў.