Уладзі́мір Аляксе́евіч Сапры́кін (24 жніўня 1916 — 24 красавіка 1990) — удзельнік Вялікай Айчыннай вайны. Герой Савецкага Саюза (1944).
У. А. Сапрыкін нарадзіўся ў вёсцы Сухадол (Ліпецкая вобласць). Скончыў дзесяцігодку, рабфак, Варонежскі педагагічны інстытут. Працаваў настаўнікам у Варонежскай вобласці. У Чырвонай Арміі з 1939 года. У 1941 годзе скончыў Грозненскае ваеннае вучылішча. Камандаваў узводам, ротай, батальёнам. У кастрычніку 1941 г. У. А. Сапрыкін — памочнік начальніка штаба 845-га стралковага палка 303-й стралковай дывізіі[1].
Падчас Вялікай Айчыннай вайны з 1941 года на 1-м Беларускім фронце. Батальён пад камандаваннем капітана Сапрыкіна вызначыўся ў баях за вёску Чырвоная Слабада Дубровенскага раёна Віцебскай вобласці 1—3 снежня 1943 г. Батальён штодзень адбіваў да 12 контратак ворага. Апынуўшыся ў аблозе, капітан Сапрыкін выклікаў агонь артылерыі на сябе, быў цяжка паранены і трапіў у палон.
З 1946 года жыў у Канадзе. Працаваў партовым грузчыкам, змяніў шмат месц працы. У 1950-х гг. скончыў Політэхнічны ўніверсітэт у Таронта.
Памёр 24 красавіка 1990 г. і быў пахаваны на рускіх могілках у Таронта. У ліпені 1999 г. перапахаваны ў брацкай магіле на месцы бою каля вёскі Чырвоная Слабада.
25 жніўня 1977 года Указам Прэзідыума Вярхоўнага Савета СССР Указ аб прысваенні звання Героя Совецкага Саюза Сапрыкину У. А. Сапрыкіну был адменены «в связи с ошибочным представлением». У выніку памылкі чалавека, працаваўшага з дакументамі ваеннапалонных, У. А. Сапрыкін быў абвінавачаны ў здрадзе і службе ў карных частках.
Пасля дадатковай праверкі Указам Прэзідыума Вярхоўнага Савета СССР ад 4 снежня 1991 г. капітан Сапрыкін У. А. адноўлены ў званні Героя Савецкага Саюза[1].