Тара́н дубільны[3], драсён дубільны[3] (Polygonum coriarium) — від кветкавых раслін роду Драсён (Polygonum) сямейства Драсёнавыя (Polygonaceae).
Шматгадовая травяністая расліна вышынёй да 2 м. Сцябло разгалінаванае, голае або апушанае. Лісце з кароткімі чаранкамі, часам апушанае знізу. Кветкі белага колеру, у мяцёлчатых суквеццях. Плод — арэшак.
Дубільная, кармавая і меданосная расліна. У каранях маецца 15—30 % дубільных рэчываў[3].