У Вікіпедыі ёсць артыкулы пра іншых асоб з прозвішчам Ламека. Тамара Міхайлаўна Алпеева, дзяв. Тамара Міхайлаўна Ламека (нар. 23 чэрвеня 1949, Лепель, Віцебская вобласць, БССР[1]) — беларускі філосаф, культуролаг[1]. Доктар філасофскіх навук (1993), прафесар (1996)[1]. Акадэмік Міжнароднай кадравай акадэміі[2].
У 1972 годзе скончыла БДУ[1]. У тым жа годзе працаўладкавалася ў Інстытуце філасофіі і права АН БССР[1]. У 1976 годзе перайшла выкладаць у БДУІР[1]. З 2002 года прарэктар[1], са жніўня 2004 года рэктар Міжнароднага гуманітарна-эканамічнага інстытута (МГЭІ)[2][3].
Навуковыя інтарэсы: сацыяльная філасофія і культуралогія, сацыяльная міфалогія і рэлігіязнаўства, тэорыя і метадалогія адукацыі і выхавання[1].
22 сакавіка 2011 года трапіла ў Чорны спіс Еўрасаюза як рэктар МГЭІ, адказны за адлічэнне студэнтаў[4][5]. У прыватнасці, санкцыі былі накладзены за адлічэнне Уладзіміра Кумца(англ.) бел., актывіста кампаніі «Гавары праўду»[6][7][8].